ब्राजिलका पूर्वराष्ट्रपतिलाई २७ वर्ष जेल

एजेन्सी । ब्राजिलको सर्वोच्च अदालतले पूर्वराष्ट्रपति जैर बोल्सोनारोलाई २७ वर्ष तीन महिनाको जेल सजाय सुनाएको छ। उनी विद्रोहको षड्यन्त्र रच्नुका साथै आफ्ना वामपन्थी प्रतिद्वन्द्वी एवं वर्तमान राष्ट्रपति लुला दा सिल्भाको हत्या गर्ने योजना बनाएको आरोपमा दोषी ठहरिएका हुन्।

न्यायाधीश अलेक्जान्ड्रे डे मोरेसले भने, ‘मुद्दाको अन्तिम निर्णय भइसकेको छ, अब पुनरावेदन हुन सक्दैन।’ अब ७० वर्षीय बोल्सोनारोले राजधानी ब्रासिलियाको जेलमा सजाय भोग्न थाल्नेछन्। उनी शनिबारदेखि हिरासतमा छन्।