काठमाडौं । पूर्वराष्ट्रपति विद्यादेवी भण्डारीले नेकपा एमालेको वरिष्ठ नेताको शपथ लिएकी छन्। उनले बिहीबार पार्टी अध्यक्ष केपी शर्मा ओलीसमक्ष वरिष्ठ नेताको शपथ लिएकी हुन्।
एमालेका अनुसार आज बसेको स्थायी कमिटी बैठकमा पूर्वराष्ट्रपति भण्डारीले वरिष्ठ नेताको शपथ लिएकी हुन्। पार्टीको केन्द्रीय कमिटी बैठकले उनलाई हालै वरिष्ठ नेतामा मनोनीत गरेको थियो।
वरिष्ठ नेताका रूपमा मनोनीत भएपछि भण्डारी पहिलोपटक एमालेको बैठकमा सहभागी भएकी हुन्। वरिष्ठ नेताका रूपमा बैठकमा सहभागी भएको यो उनको पहिलोपटक हो।
यसअघि असोज ८ गते बसेको एमाले सचिवालय बैठकले भण्डारीलाई वरिष्ठ नेता मनोनीत गर्ने निर्णय गरेको थियो। त्यसपछि केन्द्रीय कमिटी बैठकबाट उनको मनोनयन अनुमोदन गरिएको थियो।
राष्ट्रपति बन्नुअघि भण्डारी नेकपा एमालेकी उपाध्यक्ष थिइन्। उनी २०७२ सालमा नेपालको राष्ट्रपति निर्वाचित भएकी थिइन् र दुई कार्यकाल राष्ट्रपति बनेपछि सक्रिय पार्टी राजनीतिबाट अलग रहेकी थिइन्।
अब एमालेको वरिष्ठ नेताको जिम्मेवारीसहित भण्डारी पुनः पार्टीको औपचारिक राजनीतिक भूमिकामा फर्किएकी छन्।
