अर्थतन्त्र गम्भीर संकटमा परिरहँदा पनि सरकार रमिते बन्योः ओली

काठमाडौं । नेकपा एमालेका अध्यक्ष केपी शर्मा ओलीले अर्थतन्त्र गम्भीर संकटमा परिरहँदा पनि सरकार रमिते बनेर बसेको बताएका छन्।
सरकारले शुक्रबार संसदमा प्रस्तुत गरेको आगामी आर्थिक वर्षको नीति तथा कार्यक्रबारे आइतवार आफ्ना भनाइ राख्ने क्रममा ओली सरकारविरुद्ध खन्निएका हुन्।
ओलीले नीति तथा कार्यक्रको आधारस्तम्भ खोज्दा केही नभेटिएको पनि बताए। उनले अर्थतन्त्रका सबै सूचक ध्वस्त भइसक्दा पनि सरकार रमिते बनेको बताए।
ओलीले सरकार सुरुमै असफल भइसकेको पनि टिप्पणी गरेका छन्। ‘प्रचण्डजीले नेतृत्व लिएको सरकार पूरै असफल भइसकेको छ’, उनले भने, ‘नीति तथा कार्यक्रम असफलताको दस्तावेज हो।’