विद्यार्थी लक्षित ‘बाल बचत खाता’ सञ्चालन गर्दै राइनास नगरपालिका

काठमाडौं । लमजुङको राइनास नगरपालिकाले विद्यार्थी लक्षित ‘बाल बचत खाता’ सञ्चालन गर्ने भएको छ । सामुदायिक विद्यालयप्रति बालबालिकाको आकर्षण बढाउन तथा आर्थिक समस्याका कारण कुनै पनि बालबालिका शिक्षाबाट वञ्चित नहोउन भन्नका लागि नयाँ अवधारणा ल्याएको हो । नगरपालिकाले सामुदायिक विद्यालयका कक्षा १ देखि ५ सम्मका बालबालिकाको बचत खाता खोलिदिने र उनीहरूले प्रत्येक महिना गर्ने बचतमा त्यतिनै रकम थपेर उनीहरूलाई आकर्षित गर्ने भएको छ ।
सरकारी विद्यालयमा आकर्षण नभएको सन्र्दभमा विद्यार्थी दर बढाउन तथा वचतले उच्च शिक्षा अध्ययनमा पनि सहयोग पुग्ने अपेक्षा सहित बालवालिकाको खाता खोली बाल बचतलाई प्रोत्साहन गरिने राइनास नगरपालिकाका उपप्रमुख पुष्पराज खनालले बताए ।