काठमाडौं । जनकपुर बोल्ट्सले नेपाल प्रिमियर लिग (एनपीएल) क्रिकेटमा लगातार तेस्रो विजय हात पारेको छ। जनकपुरले बिहीबार पोखरा एभेन्जर्सलाई ७ विकेटले पराजित गर्यो।
त्रिवि क्रिकेट मैदानमा १३९ रनको विजयी लक्ष्य जनकपुरले १७.१ ओभरमा पूरा गर्यो। जनकपुरका जिम्मी निशम ४० र हर्ष ठाकर १३ रनमा अविजित रहे। आसिफ शेखले ३३ र लाहिरु मालिन्थाले ४५ रनको योगदान दिए। पोखराका विपिन खत्री, माइकल लिस्क र कप्तान कुशल भुर्तेलले समान १–१ विकेट लिए।
त्यसअघि टस हारेर ब्याटिङको निम्तो पाएको पोखराले निर्धारित २० ओभरमा ७ विकेट गुमाउँदै १३८ रन बनाएको थियो। पोखराका लागि माकर्स क्रिच्लेले ३० ३५ रन बनाए। एन्ड्रिज गोउसले २० तथा दिनेश खरेलले १० रन बनाए। जनकपुरका ललित राजवंशीले ३ विकेट लिए। जेम्स निसामले २ तथा किशोर महतो र मोहम्मद मोसिनले समान १/१ विकेट लिए।
