बाँकेको बालसुधार गृहमा झडप, एकजनाको मृत्यु, १० घाइते

काठमाडौं । बाँकेको डुडुवा गाउँपालिकामा रहेको बालसुधार गृहमा झडप भएको छ। गृहमा एकजनाको मृत्यु भएको छ। मृत्यु हुनेमा कपिलवस्तु घर भएका १८ वर्षका सुलभ केसी रहेको जिल्ला प्रहरी कार्यालय बाँकेले जनाएको छ।
मृतक केसी बालसुधार गृहमा अदालतबाट जेल सजाय भएर २०७९ असार १० गते आएका थिए। उनी अपहरण, शरीरबन्धक र जबरजस्ती करणी कसुरमा सुधार गृहमा थिए।
प्रहरीका अनुसार गएराति बालसुधार गृहभित्रै दुई समूहबीच झैझगडा भएको थियो। सोही क्रममा कुटपिटको क्रममा उनको मृत्यु भएको प्रहरीको भनाइ छ।
झडपमा १० जना घाइते भएका छन्। घाइते मध्ये ४ जनाको अवस्था सामान्य रहेको र अन्य ६ जना मध्यम घाइते भएका छन्। घाइते सबैको उपचार नर्सिङ होम नेपालगन्जमा उपचार भइरहेको छ।