काठमाडौं । लमजुङ जिल्ला अस्पतालमा कार्यरत डाक्टर सन्दीप अधिकारीलाई कुटपिट गरेको आरोपमा वडाध्यक्ष पक्राउ परेका छन् । पक्राउ पर्नेमा बेसीशहर नगरपालिका–७ का वडाध्यक्ष ऋषिराम बस्नेत रहेका छन् ।
उनले आइतबार राति डाक्टर अधिकारीलाई कुटपिट गरेको आरोप लागेको छ । वडाध्यक्ष बस्नेतका आफन्त पर्ने बिरामी अस्पतालको आकस्मिक कक्षमा भर्ना भएका थिए। उनको चेकजाँच गरी राति साढे १० बजेतिर वार्डमा सार्न लाग्दा वडाध्यक्ष बस्नेत आएर कुटपिट गरेको अस्पतालले जनाएको छ।
बस्नेतले नर्सिङ कक्षको ढोका फोडी भित्र प्रवेश गरेर टाउको र छातीमा लात्ती, मुक्कासमेत प्रहार गरेको डाक्टर अधिकारीले बताएका छन्। वडाध्यक्ष बस्नेतलाई भने प्रहरीले पक्राउ गरिसकेको छ।
