टोखाको पानी उद्योगलाई २ लाख जरिवाना

काठमाडौं । टोखास्थित एक पानी उद्योगलाई २ लाख रुपैयाँ जरिवाना गरिएको छ। वाणिज्य विभागले बजार अनुगमनका क्रममा उद्योगमा कैफियत देखिएपछि जरिवाना गरिएको हो।
नियमित बजार अनुगमनका क्रममा अनुगमन टोलीलले उद्योगमा कैफियत फेला पारेको विभागले जनाएको छ।
सोमबार कारबाही गरिएको उक्त फर्मको कारबाही विवरणमा रिलेबलिङ वा गुणस्तर हेरेफेर गरेको, परिमाण र मूल्यमा ढाँटेको भनिएको छ। सोमबार विभाग अनुगमन टोलीले ३४ फरक–फरक क्षेत्रमा बजार अनुगमन गरेको थियो।