काठमाडौं । युवा तथा खेलकुदमन्त्री विराजभक्त श्रेष्ठले कीर्तिपुरस्थित त्रिवि क्रिकेट मैदानको निरीक्षण गरेका छन्।
बिहीबार बिहान कीर्तिपुर पुगेका उनले मैदानको अवस्था, निर्माणाधीन अवस्थामा रहेका विभिन्न संरचनाहरुको अवलोकन गर्नुका साथै तत्कालको अवस्थाबारे जानकारी लिएका थिए।
मन्त्री श्रेष्ठसँग राष्ट्रिय खेलकुद परिषद् (राखेप) का सदस्य सचिव टंकलाल घिसिङ, नेपाल क्रिकेट संघ (क्यान) का सचिव पारस खड्का पनि उपस्थित थिए।
क्रिकेट मैदानमा नै उनले क्रिकेटर सन्दीप लामिछानेसँग भेट गरेका थिए। छोटो भेटमा मन्त्री श्रेष्ठले सन्दीपलाई अमेरिका जान आशावादी हुन आग्रह गर्दै केही आवश्यक परे सिधैं सम्पर्क गर्न भनेका थिए।
विश्वकप क्रिकेटको भिसाका लागि आफूहरूले सक्दो प्रयास गरिरहेको मन्त्री श्रेष्ठको भनाइ थियो।
