अन्तरिक्ष यात्री सुनिता र बुच झण्डै ९ महिनापछि पृथ्वीमा फर्किँदै

एजेन्सी । भारतीय मूलकी अमेरिकी अन्तरिक्ष यात्री सुनिता विलियम्स र उनका साथी बुच विल्मर झण्डै ९ महिना अन्तर्राष्ट्रिय अन्तरिक्ष स्टेसनमा अड्किएपछि बल्ल पृथ्वीमा फर्किन लागेका छन् ।

स्पेसएक्सको ड्र्यागन अन्तरिक्ष यानमा सवार चारैजना अन्तरिक्ष यात्री अन्तर्राष्ट्रिय अन्तरिक्ष केन्द्र (ISS) बाट प्रस्थान गरिसकेका छन् ।

यदि सबै कुरा सामान्य रह्यो भने, निर्धारित तालिकाबमोजिम अन्तरिक्ष यान नेपाली समयअनुसार बुधबार बिहान पौने ४ बजेतिर अवतरण गर्नेछ । तर, अवतरण प्रक्रियामा विभिन्न अवरोधहरू आउन सक्छन्, जसमध्ये खराब मौसम, प्यारासुट समयमा नखुल्नु र प्राविधिक समस्याहरू मुख्य छन् ।