लमजुङ । बेसिशहर नगरपालिका-११ चिति तिलाहरमा ‘तेस्रो सेभेन ए साइड ’खुल्ला फुटबल प्रतियोगिता हुने भएको छ ।
फागुन १ गतेदेखि चिति युवा क्लबको आयोजनामा प्रतियोगिता हुन लागेको हो । प्रतियोगितामा प्रथमले नगद ७५ हजार, ट्रफि, मेडल र प्रमाणपत्र, द्धितीयले नगद ४५ हजार ट्रफि, मेडल र प्रमाणपत्र प्राप्त गर्नेछन् भने सेमि फाइनलमा प्रवेश दुवै टिमले नगद १० हजार प्राप्त गर्नेछन् ।
यस्तै सर्वाधिक गोलकर्ताले नगद २५ सय, ट्रफि, मेडल र प्रमाणपत्र, उत्कृष्ट खेलाडीले नगद २५ सय ट्रफि, मेडल र प्रमाणपत्र, उत्कष्ट गोल रक्षकले नगद २५ सय ट्रफि, मेडल र प्रमाणपत्र प्रदान गर्नेछन् ।
प्रतियोगिताका लागि यहि माघ २९ गतेदेखि फागुन १ गते बिहान ११ बजेसम्म टिम दर्ता गर्न सकिने क्लवका उपाध्यक्ष रवि दुलाले बताए । प्रतियोगिताको प्रथम प्रयोजकमा लमजुङ चिति घर भई हाल अमेरिकामा रहेका ध्रुब बहादुर बुढाथोकी रहेका छन् ।
