काठमाडौं । नेपाल पुरुष राष्ट्रिय क्रिकेट टिमले आइसीसी विश्वकप लिग २ को तयारी स्वरूप युके र स्कटल्यान्ड भ्रमण गर्ने भएको छ। नेपाल क्रिकेट संघ (क्यान)ले लिग २ को तयारी स्वरूप युके र स्कटल्यान्डमा रही अभ्यास खेल खेल्ने जानकारी दिएको छ। नेपालले मे १४ देखि २६ सम्म युकेमा रहेर तयारी गर्ने क्यानले जनाएको छ।
नेपाली राष्ट्रिय टिमले युकेमा स्थानीय क्लब र एमसीसीसँग अभ्यास खेल खेल्नेछ। नेपाली टिमले युकेमा रहेर कूल ४ वटा खेल खेल्ने छ। त्यस्तै नेपालले मे १६ मा स्थानीय क्लब कार्डिफ यूएनआइसँग खेल्नेछ। मे १९ मा एमसीसीसँग, मे २२ मा ग्लस्टरसर, २६ मा ग्लामोरगन सँग खेल्नेछ।
त्यसपछि नेपाली राष्ट्रिय टिम उतैबाट स्कटल्यान्ड जानेछ। स्कटल्यान्डमा नेपाली टिमले स्कटल्यान्ड एसँग दुईवटा अभ्यास खेल खेल्नेछ। नेपालले मे २९ र मे ३१ मा स्कटल्यान्ड एसँग खेल्नेछ।
