अन्तर्राष्ट्रिय फुटबल महासंघ (फिफा)ले अखिल नेपाल फुटबल संघ (एन्फा)लाई अर्को सूचना नआएसम्मका लागि निलम्बन गरेको छ। फिफा काउन्सिल ब्युरोको निर्णयसँगै एन्फाले सदस्यताको सबै अधिकार गुमाएको छ।
निलम्बन अवधिमा नेपालको राष्ट्रिय तथा क्लब टोलीले कुनै पनि अन्तर्राष्ट्रिय प्रतियोगितामा सहभागिता जनाउन पाउने छैनन्। साथै फिफा र एएफसीबाट प्राप्त हुने आर्थिक सहयोग, विकास कार्यक्रम तथा तालिममा समेत एन्फा र यसका पदाधिकारी सहभागी हुन नपाउने भएका छन्।
फिफाले आवश्यक प्रक्रिया पूरा भएमा आगामी फिफा कंग्रेसअघि नै निलम्बन फुकुवा हुन सक्ने जनाएको छ।
