- गैरकानुनी ट्राभल डकुमेन्ट बनाएको आरोपमा सहसचिव भट्टराई पक्राउ
- सिआइबीको कारबाही, परराष्ट्रका सहसचिव राहदानी ऐन प्रकरणमा नियन्त्रणमा
- ट्राभल डकुमेन्ट दुरुपयोग प्रकरणमा परराष्ट्रका उच्च अधिकारी पक्राउ
काठमाडौं । परराष्ट्र मन्त्रालयका सहसचिव पुष्पराज भट्टराई राहदानी ऐन उल्लंघनसम्बन्धी कसुरमा पक्राउ परेका छन्।
उनीलाई सोमबार नेपाल प्रहरीको केन्द्रीय अनुसन्धान ब्युरो (सिआइबी) ले काठमाडौंको कागेश्वरी मनोहरा क्षेत्रबाट पक्राउ गरेको हो।
सिआइबीका एसएसपी अनुपम शमशेर जबराले सहसचिव भट्टराई पक्राउ परेको पुष्टि गर्दै उनीमाथि एक व्यक्तिलाई गैरकानुनी रूपमा ट्राभल डकुमेन्ट (यात्रा अनुमति पत्र) उपलब्ध गराएको आरोपमा अनुसन्धान भइरहेको जानकारी दिए।
हाल भट्टराई परराष्ट्र मन्त्रालयको श्रम, आप्रवासन तथा नेपाली डायस्पोरा समन्वय महाशाखाका प्रमुखका रूपमा कार्यरत छन्। यसअघि उनी उपसचिव रहँदा परराष्ट्र मन्त्रालयअन्तर्गतको ट्राभल डकुमेन्ट शाखामा कार्यरत थिए।
उक्त शाखाले विदेशमा राहदानी हराएका, म्याद सकिएका वा अन्य कारणले तत्काल नेपाल फर्किनुपर्ने नेपाली नागरिकका लागि ट्राभल डकुमेन्ट जारी गर्ने प्रक्रिया समन्वय गर्ने जिम्मेवारी पाएको हुन्छ।
प्रहरीका अनुसार भट्टराईले सोही शाखामा कार्यरत रहँदा राहदानी ऐन आकर्षित हुने कसुर गरेको प्रारम्भिक अनुसन्धानबाट खुलेपछि पक्राउ गरिएको हो।
सिआइबीले घटनाबारे थप अनुसन्धान जारी रहेको जनाएको छ।
