जिम्बावेसँगको खेलमा कुशल भुर्तेलको अर्धशतक

काठमाडौं । आईसीसी एकदिवसीय विश्व कप क्रिकेटको छनोटमा घरेलु टोली जिम्बावेसँगकाे खेलमा कुशल भुर्तेलले अर्धशतक बनाएका छन् ।
कुशलले ६३ बलमा अर्धशतक बनाउँदा ८ चाैका प्रहार गरेका छन् । एकदिवसीय अन्तर्राष्ट्रियमा कुशलकाे याे छैटाैँ अर्धशतक हाे ।
हरारे स्पोर्ट्स क्लबमा टस हारेर पहिला ब्याटिङको निम्तो पाएको नेपालले २१ ओभरकाे खेल सकिँदा एक विकेट पनि नगुमाई ८६ रन बनाएकाे छ । अहिले कुशल भुर्तेल ५१ र आसिफ शेख ३० रन बनाएर खेलिरहेका छन् ।
आजदेखि सुरु हुने विश्व कप छनोटमा नेपाल रहेको समूहमा जिम्बाब्वेसँगै वेस्ट इन्डिज, अमेरिका र नेदरल्याण्ड्स रहेका छन् । नेपालभन्दा निकै बलिया देश भएकाले नेपाललाई पछिल्लो समयको उत्कृष्ट लय कायमै राख्न मुख्य चुनौती छ ।