इन्धनको मूल्य घट्यो

काठमाडौं । नेपाल आयल निगमले पेट्रोलियम पदार्थको मूल्य घटाएको छ।आइतबार पत्रकार सम्मेलन गर्दै निगमका कार्यकारी निर्देशक उमेशप्रसाद थानीले इन्धनको मूल्य घटेको जानकारी दिएका हुन् । थानीका अनुसार पेट्रोल छ रुपैयाँले घटेर ‘क’ वर्गमा १६१.५०, ख वर्गमा १६३ र ‘ग’ वर्गमा १६४ रुपैयाँमा झरेको छ।
त्यस्तै डीजल र मट्टीतेलमा समान चार–चार रुपैयाँ घटेको छ। एलपी ग्यासमा १० रुपैयाँ घटेको छ। अब एलपी ग्याँस एक हजार ७९० रुपैयाँ पर्नेछ।
डिजेलको नयाँ मूल्यअनुसार ‘क’ वर्गमा १४३.५, ‘ख’ वर्गमा १४५ र ‘ग’ वर्गमा १४६ रुपियाँ पुगेको छ। घटेको नयाँ मूल्य आज राति १२ बजेदेखि कार्यान्वयन हुनेछ ।