काठमाडौं । ९७औँ ओस्कार अवार्ड समारोहमा २३ विधामा अस्कर विजेताको घोषणा गरिएको छ । फिल्म द ब्रुटालिस्टका लागि एड्रियन ब्रोडीले सर्वोत्कृष्ट अभिनेताको ओस्कार जिते भने फिल्म अनोराका लागि मिकी म्याडिसनले उत्कृष्ट अभिनेत्रीको अवार्ड जितिन् ।
यो वर्ष चलचित्र अनोराले उत्कृष्ट चलचित्र, उत्कृष्ट निर्देशन, उत्कृष्ट पटकथा, उत्कृष्ट सम्पादन, उत्कृष्ट अभिनेत्री विधामा सर्वाधिक ५ अवार्ड जितेको छ । दोस्रो स्थानमा रहेको चलचित्र द ब्रुटालिस्टले ३ अवार्ड हात पारेको छ ।
सीन बेकरद्वारा निर्देशित, रोमान्टिक कमेडी फिल्म अनोरा एक धनी व्यापारीसँग विवाह गर्ने यौनकर्मीमा आधारित छ। फिल्मले कान्स फिल्म फेस्टिभलमा पाम डायर अवार्ड प्राप्त गरेको थियो ।
द ब्रुटालिस्टले ३ वटा गोल्डेन ग्लोब अवार्ड पाएका छन् । पिरियड ड्रामा फिल्म द ब्रुटालिस्टले यो वर्ष ३ ओस्कार अवार्ड जितेको छ ।यसअघि यो फिल्मले ३ वटा गोल्डेन ग्लोब अवार्ड पनि जितेको छ । यो फिल्म एक हंगेरियन मानिसको कथा हो जो भागेर अमेरिका पुग्छ र आफ्नो सपनाको लागि लड्छ।
