बैशाख महिनाका लागि १६ बैंकको ब्याजदर स्थिर

काठमाडौं । बैशाख महिनाका लागि बैंकहरुले नयाँ व्याजदर निर्धारण गरेको छ । जस अनुसार अधिकांश वाणिज्य बैंकहरूले वैशाखमाका लागि चैत महीनाकै ब्याजदरलाई निरन्तरता दिएका छन्।

संञ्चालनमा रहेका २० वटा वाणिज्य बैंकहरूमध्ये ३ वटा बैंकले व्यक्तिगत निक्षेपको अधिकतम ब्याजदर घटाउँदा १ वटाले बढाएको छ भने बाकी १६ वटा बैंकले स्थिर राखेका छन्।

जस अनुसार, हिमालयन र नेपाल एसबिआई बैंकको ५.५ प्रतिशत, कृषि विकास बैंकको ५.५१ प्रतिशत, सिटिजन्स बैंक इन्टरनेशनलको ५.६५ प्रतिशत, नबिल र लक्ष्मी सनराइज बैंकको ५.७५ प्रतिशत अधिकतम ब्याजदर निर्धारण गरेको छ ।

त्यस्तै राष्ट्रिय वाणिज्य, ग्लोबल आइएमई, सिद्धार्थ, माछापुच्छ्रे बैंकको समान ६ प्रतिशत, प्रभु बैंकको ६.१ प्रतिशत, स्ट्याण्र्डर्ड चार्टर्ड र प्राइम कमर्सियल बैंकको ६.२५ प्रतिशत अधिकतम ब्याजदर रहेको छ। साथै, नेपाल इन्भेष्टमेन्ट मेघा बैंकको ६.५ प्रतिशत, एनआईसी एशिया एनएमबि बैंकको ६.६ प्रतिशत अधिकतम ब्याजदर तोकेको छ।

यी बैंकहरूले अघिल्लो महिनाकै ब्याजरदलाई निरन्तरता दिएका हुन्। एभरेष्ट बैंकले वैशाख महिनाका लागि ब्याजरद बढाएर ६।६१ प्रतिशत कायम गरेको छ भने सानिमा, कुमारी र नेपाल बैंकले घटाएर क्रमशः ५।९५ प्रतिशत, ५।९२ प्रतिशत र ५।१५ प्रतिशत कायम गरेका छन्। संस्थागततर्फ ११ वटा बैंकले चैतकै ब्याजदरलाई निरन्तरता दिएका छन् भने १ वटा बैंकले बढाउँदा ८ वटा बैंकले घटाएका छन्।