Author: हाम्राे हेडलाइन

काठमाडौं । नेपाली कांग्रेसले आफ्नो १५औँ महाधिवेशन सारेको छ। कांग्रेस केन्द्रीय कार्यालयका कार्यवाहक मुख्यसचिव कृष्णप्रसाद दुलालले मंगलबार विज्ञप्ति जारी गर्दै महाधिवेशनको मिति दुई दिन पछि सारिएको जानकारी दिएका हुन्। यसअघि असोज १६ गतेदेखि सुरु गर्ने भनिएको कांग्रेस महाधिवेशन अब असोज १८ गते दिउँसो २ बजे काठमाण्डुको खुलामञ्चमा हुने भएको छ। विज्ञप्तिमा १५औँ महाधिवेशनअन्तर्गत वडा, गाउँपालिका र नगरपालिका अधिवेशन सम्पन्न भइसकेको तथा प्रदेश सभा क्षेत्रीय र प्रतिनिधिसभा क्षेत्रीय अधिवेशनहरू जारी रहेको उल्लेख छ। ‘नेपाली कांग्रेस १५ औं महाधिवेशन अन्तर्गत वडा, गाउँपालिका र नगरपालिका अधिवेशन सम्पन्न भई प्रदेश सभा क्षेत्रीय अधिवेशन र प्रतिनिधिसभा क्षेत्रीय अधिवेशन सम्पन्न भइरहेका छन् । यसै बीचमा देशमा…

काठमाडौं– पूर्वप्रधानन्यायाधीश चोलेन्द्रशमशेर जबरालाई मध्यरातमा निवासबाट प्रहरी कार्यालय लगिएको घटनाप्रति सर्वोच्च अदालतको पूर्ण बैठकले गम्भीर ध्यानाकर्षण जनाएको छ। सर्वोच्च अदालतले सोमबार प्रेस विज्ञप्ति जारी गर्दै स्वतन्त्र, निष्पक्ष र सक्षम न्यायपालिका लोकतान्त्रिक शासन प्रणालीको आधारभूत मूल्य भएको उल्लेख गरेको छ। पूर्वप्रधानन्यायाधीश, पूर्वन्यायाधीश तथा बहालवाला न्यायाधीशमाथि राज्यका निकायबाट हुने व्यवहार संवेदनशील विषय भएको सर्वोच्चले जनाएको छ। त्यस्ता घटनाले न्यायिक स्वतन्त्रताप्रति जनविश्वासमा असर पर्न सक्ने अदालतको भनाइ छ। सर्वोच्चले कुनै पनि नागरिकको वैयक्तिक स्वतन्त्रता कानुनले निर्धारण गरेको उचित प्रक्रिया अपनाएर मात्र नियन्त्रणमा लिन सकिने संवैधानिक व्यवस्था रहेको स्मरण गराएको छ। उचित प्रक्रिया पूरा नगरी गरिने कामकारबाहीमा स्वेच्छाचारिता हुन सक्ने भन्दै सर्वोच्चले त्यस्तो व्यवहार…

काठमाडौं-कर्णाली प्रदेशसभा सांसद राजकुमार शर्मालाई पदमुक्त गर्ने निर्णयविरुद्ध सर्वोच्च अदालतमा परेको रिट खारेज भएको छ। नेपाली कम्युनिष्ट पार्टी (नेकपा) को पत्रअनुरूप कर्णाली प्रदेशसभा सचिवालयले सांसद पद रिक्त हुने गरी कारबाही गरेपछि शर्माले उक्त निर्णयविरुद्ध सर्वोच्च अदालतमा रिट दायर गरेका थिए। सोमबार सर्वोच्च अदालतले रिट खारेज गरेको हो। सर्वोच्च अदालतका न्यायाधीश सारङ्गा सुवेदी र श्रीकान्त पौडेलको संयुक्त इजलासले यसअघि कारबाही रोक्न जारी भएको अन्तरिम आदेशले निरन्तरता नपाउने निर्णयसमेत गरेको छ। यससँगै कर्णाली प्रदेशसभा सचिवालयले गरेको शर्मा पदमुक्त हुने निर्णय सदर भएको छ। तत्कालीन नेकपा माओवादीबाट कर्णाली प्रदेशसभा सदस्यमा निर्वाचित भएका शर्मामाथि प्रगतिशील लोकतान्त्रिक पार्टीको प्रचारमा लागेको आरोपमा कारबाही गर्दै सांसद पदबाट…

काठमाडौं– सरकारले घट्दो जनसंख्या वृद्धिदरलाई सम्बोधन गर्न सुत्केरी बिदा र प्रोत्साहनसम्बन्धी नयाँ व्यवस्था गर्ने तयारी गरेको छ। स्वास्थ्य तथा खाद्य स्वच्छता मन्त्री निशा मेहताले सोमबार प्रतिनिधिसभा बैठकमा सुरक्षित मातृत्व तथा प्रजनन स्वास्थ्य अधिकार (पहिलो संशोधन) विधेयक, २०६३ प्रस्तुत गर्दै जनसंख्या वृद्धिदर निरन्तर घट्दै गएकाले त्यसलाई सम्बोधन गर्न विद्यमान कानुन संशोधन आवश्यक रहेको बताइन्। उनले ‘नेपालको पछिल्लो जनगणना अनुसार नेपालको जनसंख्या वृद्धिदर निरन्तर घट्दो क्रममा रहेको हुनाले जनसंख्या वृद्धिको लागि बिदा प्रोत्साहन समेतका व्यवस्था हुनेगरी कानूनमा संशोधन गर्न आवश्यक रहेको छ’ भनिन्। प्रस्तावित संशोधनअनुसार सरकारी, गैरसरकारी तथा निजी क्षेत्रमा कार्यरत महिलाले सुत्केरी हुनुअघि र पछि गरी ६ महिनासम्म तलबसहितको सुत्केरी बिदा…

मनाङ । मनाङको नार्फाभूमि गाउँपालिका–५ स्थित हिमलुङ क्षेत्रमा आइतबार गएको हिमपहिरोमा परेर हराइरहेकामध्ये थप दुई जनाको शव फेला परेको छ। उद्धार टोलीले आज खोजतलासका क्रममा वीरेन्द्र गुरुङ र घनश्याम राईको शव फेला पारेको नेपाल राष्ट्रिय पर्वतीय गाइड संघले जनाएको छ। आइतबार बिहान हिमलुङ बेसक्याम्पमा हिमपहिरो जाँदा १४ जना बेपत्ता भएका थिए। तीमध्ये छेवी भोटे र पासाङ भोटेको शव यसअघि नै फेला परेको थियो। उनीहरूको शव पोस्टमार्टमका लागि आज काठमाडौं ल्याइएको छ। आज गएको उद्धार टोलीले हिमपहिरो प्रभावित क्षेत्रमा थप दुई जनाको शव फेला पारेको हो। यससँगै हालसम्म हिमपहिरोमा परी मृत्यु हुनेको संख्या चार पुगेको छ। मनाङका सहायक प्रमुख जिल्ला अधिकारी…

काठमाडौँ–नेपाली कांग्रेसको संस्थापनइतर समूहले गर्ने भनिएको १५औँ महाधिवेशनमा विभिन्न पदमा उम्मेदवारी दिन शुल्क निर्धारण गरिएको छ । पूर्वसभापति शेरबहादुर देउवा पक्षले समानान्तर महाधिवेशनको तयारी गर्दै डा. शशांक कोइराला नेतृत्वको १५औँ महाधिवेशन आयोजक समितिअन्तर्गतको केन्द्रीय निर्वाचन समितिले वडा सदस्यदेखि केन्द्रीय सभापतिसम्मका विभिन्न पदमा उम्मेदवारी शुल्क तोकेको हो । आयोजक समितिअन्तर्गतको केन्द्रीय निर्वाचन समितिले तयार पारेको ‘नेपाली कांग्रेस निर्वाचन निर्देशिका, २०८३’मा आन्तरिक प्रतिस्पर्धालाई व्यवस्थित र संस्थागत गर्ने उद्देश्यले विभिन्न तहका पदमा उम्मेदवारी शुल्क निर्धारण गरिएको उल्लेख छ । निर्देशिकाको अनुसूची २५ अनुसार वडा कार्यसमितिको सभापतिका लागि २५० रुपैयाँ, उपसभापति, सचिव र सहसचिवका लागि १५० रुपैयाँ तथा सदस्यका लागि ५० रुपैयाँ शुल्क तोकिएको…

काठमाडौँ–प्रधानमन्त्री वालेन्द्र शाह ‘बालेन’ले अविरल वर्षाका कारण देशका विभिन्न भागमा आएको बाढी, पहिरो, हावाहुरी, डुबान र चट्याङबाट हालसम्म २१ जनाको मृत्यु भएको बताएका छन् । प्रधानमन्त्री शाहका अनुसार विपद्का घटनामा पाँच जना बेपत्ता भएका छन् भने पाँच जना घाइते भएका छन् । आइतबार साँझ सामाजिक सञ्जालमार्फत अपिल जारी गर्दै उनले असोज ८ गतेदेखि आइतबारसम्मको विवरणअनुसार म्याग्दी, डोल्पा, धनुषा, पाल्पा, बागलुङ, लमजुङ, रुकुम पश्चिम, काभ्रे, धादिङ, मकवानपुर र सुर्खेतलगायत जिल्लामा २१ जनाले ज्यान गुमाएको जानकारी दिए । उनले विपद्मा ज्यान गुमाउनेप्रति श्रद्धाञ्जली व्यक्त गर्दै शोकसन्तप्त परिवारजनमा समवेदना व्यक्त गरेका छन् । घाइते पाँच जनाको निःशुल्क उपचारको व्यवस्था मिलाइएको र उनीहरूको शीघ्र…

काठमाडौं । परराष्ट्रमन्त्री शिशिर खनालले संयुक्त अरब इमिरेट्स (यूएई)का उपप्रधानमन्त्री तथा परराष्ट्रमन्त्री शेख अब्दुल्लाह बिन जायद अल नाह्यानसँग भेटवार्ता गरेका छन् । संयुक्त राष्ट्रसंघको ८१औँ महासभाका क्रममा शनिबार न्युयोर्कस्थित यूएईको संयुक्त राष्ट्रसंघीय स्थायी नियोगमा दुई मन्त्रीबीच भेटवार्ता भएको हो । भेटमा मन्त्री खनालले नेपालमा जलवायुजन्य विनाशकारी बाढीबाट प्रभावित समुदायप्रति यूएई सरकार र जनताले व्यक्त गरेको ऐक्यबद्धता तथा सहानुभूतिप्रति नेपाल सरकार र नेपाली जनताका तर्फबाट धन्यवाद तथा आभार व्यक्त गरेका छन् । बाढी प्रभावित समुदायका लागि यूएईले उपलब्ध गराएको महत्वपूर्ण मानवीय सहयोगका लागि पनि परराष्ट्रमन्त्री खनालले धन्यवाद दिएका छन् । साथै, यूएईले हालै बाढी प्रभावितका लागि थप २५ मिलियन अमेरिकी डलर…

पर्वत, नवलपरासी पूर्व, पाल्पा, भरतपुर र धनुषाका बाढी, डुबान तथा पहिरो प्रभावित क्षेत्रमा नेपाली सेना खोज तथा उद्धारमा परिचालित भएको छ। नारायणी नदीको बहाव बढेपछि मध्यबिन्दु, सुस्ता र भरतपुरका जोखिमयुक्त क्षेत्रका स्थानीयवासीलाई सुरक्षित स्थानमा स्थानान्तरण गर्ने काम भइरहेको छ। तनहुँको घाँसीकुवामा पहिरो र लेदोका कारण अवरुद्ध पृथ्वी राजमार्गको अवरोध हटाएर पूर्ण रूपमा सञ्चालनमा ल्याइएको सेनाले जनाएको छ। काठमाडौं । अविरल वर्षाका कारण देशका विभिन्न भागमा बाढी, पहिरो तथा डुबानको जोखिम बढेपछि नेपाली सेनाले प्रभावित क्षेत्रमा खोज, उद्धार, सुरक्षित स्थानमा स्थानान्तरण तथा सडक खुलाउने कार्य जारी राखेको छ। सेनाका अनुसार पर्वतको जलजला गाउँपालिका–८ फर्सेमा कालीगण्डकी नदी बस्तीमा पसेर घरहरू बगाएको खबरपछि…

काठमाडौं । निरन्तरको वर्षाका कारण पृथ्वी राजमार्गअन्तर्गत मलेखु–मुग्लिङ सडक खण्डका विभिन्न १० स्थानमा पहिरो खसेर सडक अवरुद्ध भएको छ। वर्षाका कारण केही स्थानमा सडक भासिनुका साथै चर्किएको र भत्किएको नागढुंगा–मुग्लिन सडक योजना (पश्चिम खण्ड) ले जनाएको छ। योजनाका अनुसार शीलतबजार, गोमती खोला, कृष्णभीर, ज्यामिरेघाट–चौकीभीर, हुग्दी खोला–जवाङ खोला, फिस्लिङ, चुम्लिङटार, धारापानी, घोप्टेभीर र सिमलधारा क्षेत्रमा पहिरो तथा सडकमा क्षति पुगेको छ। कृष्णभीरमा माथिबाट लेदोसहितको पहिरो खसेपछि सडक दुईतर्फी अवरुद्ध भएको छ। सडकको तल्लो भाग भने यथावत रहेको र पहिरोको जोखिमयुक्त भागलाई प्लास्टिकले छोपिएको योजनाले जनाएको छ। त्यस्तै, ज्यामिरेघाट–चौकीभीर, घोप्टेभीर र सिमलधारा क्षेत्रमा पहिरोका कारण सडक दुईतर्फी अवरुद्ध भएको छ। फिस्लिङ क्षेत्रमा…