Author: हाम्राे हेडलाइन

काठमाडौं। नेपालको सार्वजनिक ऋण निरन्तर बढ्दै झन्डै ३० खर्ब रुपैयाँ पुगेको छ। नेपाल बैंकर्स संघले सार्वजनिक गरेको नेपाल राष्ट्र बैंकको तथ्यांकअनुसार आर्थिक वर्ष २०८२/८३ मा कुल सार्वजनिक ऋण २९ खर्ब ७४ अर्ब ९० करोड रुपैयाँ पुगेको हो। यो ऋण नेपालको कुल गार्हस्थ्य उत्पादन (जीडीपी) को ४५.०७ प्रतिशत बराबर हो। सार्वजनिक ऋणको आकारसँगै अर्थतन्त्रको तुलनामा यसको अनुपातसमेत बढ्दै गएको तथ्यांकले देखाएको छ। आर्थिक वर्ष २०७८/७९ मा नेपालको कुल सार्वजनिक ऋण २० खर्ब १० अर्ब १३ करोड रुपैयाँ थियो। त्यसयता पाँच आर्थिक वर्षको अवधिमा ऋणको आकार ९ खर्ब ६४ अर्ब ७७ करोड रुपैयाँले बढेको छ। यस अवधिमा सार्वजनिक ऋण करिब ४८ प्रतिशतले…

काठमाडौं । चाडपर्वका बेला हवाई भाडा महँगो भएको गुनासो बढ्दै गएपछि प्रधानमन्त्री बालेन्द्र शाहले चासो देखाएका छन्। प्रधानमन्त्रीको चासोपछि संस्कृति, पर्यटन तथा नागरिक उड्डयनमन्त्री खडकराज पौडेलले गुनासो सम्बोधन गर्न नेपाल नागरिक उड्डयन प्राधिकरण (क्यान)लाई निर्देशन दिएको उनीनिकट स्रोतले जनाएको छ। प्रधानमन्त्रीको चासो र पर्यटनमन्त्रीको निर्देशनपछि क्यानले बिहीबार आन्तरिक वायुसेवा कम्पनीका पदाधिकारी तथा प्रतिनिधिलाई छलफलका लागि बोलाएको थियो। छलफलमा क्यान र आन्तरिक वायुसेवा कम्पनीका प्रतिनिधिबीच यात्रुलाई सहुलियत हुने गरी टिकट बिक्री वितरण गर्ने विषयमा छलफल भएको थियो। छलफलका क्रममा स्वीकृत भाडादरभन्दा सस्तोमा टिकट बिक्री वितरण गर्ने तथा सो भाडादरबारे सम्बन्धित वायुसेवा कम्पनीको बिक्री वितरण प्लेटफर्ममा सूचना प्रकाशन गर्ने सहमति भएको प्रधानमन्त्री…

जुनसुकै कम्पनीको खाली सिलिन्डर बुझाएर अर्को ब्रान्डको भरिएको सिलिन्डर लिन सकिने ब्रान्ड फरक भएकै कारण उपभोक्ताले अतिरिक्त शुल्क तिर्नु नपर्ने उपत्यकाका १५ देखि २० स्थानमा संयुक्त बिक्री काउन्टर सञ्चालन गर्ने तयारी काठमाडौं। चाडपर्वको समयमा उपभोक्तालाई खाना पकाउने एलपी ग्यास सहज रूपमा उपलब्ध गराउन काठमाडौं उपत्यकामा जुनसुकै ब्रान्डको ग्यास सिलिन्डर साट्न मिल्ने व्यवस्था लागू गर्ने तयारी गरिएको छ। प्रस्तावित व्यवस्थाअनुसार उपभोक्ताले आफूले प्रयोग गरिरहेको कम्पनीको खाली सिलिन्डर बुझाएर अर्को कम्पनीको भरिएको सिलिन्डर लिन सक्नेछन्। यसरी ब्रान्ड परिवर्तन गर्दा कुनै अतिरिक्त शुल्क तिर्नुपर्ने छैन। बजारमा ग्यास उपलब्ध भए पनि आफूले प्रयोग गर्ने ब्रान्डको सिलिन्डर नपाउँदा उपभोक्ताले भोग्दै आएको समस्या समाधान गर्न यस्तो…

काठमाडौं। भारतीय चलचित्र क्षेत्रका चर्चित अभिनेता नाना पाटेकरको ७५ वर्षको उमेरमा निधन भएको छ। बिहीबार बिहान भारतको गोवास्थित निवासमा हृदयाघातसम्बन्धी आकस्मिक समस्या देखिएपछि उनको निधन भएको हो। उनको निधनप्रति बलिउड अभिनेता अक्षय कुमारले गहिरो दुःख व्यक्त गरेका छन्। सामाजिक सञ्जालमार्फत श्रद्धाञ्जली व्यक्त गर्दै कुमारले पाटेकरलाई आफ्नो अभिनयबाट दर्शकलाई प्रभावित पार्न सक्ने अद्वितीय कलाकारका रूपमा स्मरण गरेका छन्। कुमारले पाटेकरको आवाज, अभिनयको गहिराइ र प्रत्येक भूमिकामा देखिने स्वाभाविकता विशेष रहेको उल्लेख गरेका छन्। उनले सन् २००७ मा प्रदर्शन भएको चलचित्र ‘वेलकम’ र पछिल्लो चलचित्र ‘हाउसफुल ५’ मा पाटेकरसँग काम गर्दाका क्षण स्मरण गरेका छन्। ‘वेलकम र हाउसफुल ५ मा उहाँसँग काम…

काठमाडौं । पूर्वराष्ट्रपति विद्यादेवी भण्डारीले नेकपा एमालेको वरिष्ठ नेताको शपथ लिएकी छन्। उनले बिहीबार पार्टी अध्यक्ष केपी शर्मा ओलीसमक्ष वरिष्ठ नेताको शपथ लिएकी हुन्। एमालेका अनुसार आज बसेको स्थायी कमिटी बैठकमा पूर्वराष्ट्रपति भण्डारीले वरिष्ठ नेताको शपथ लिएकी हुन्। पार्टीको केन्द्रीय कमिटी बैठकले उनलाई हालै वरिष्ठ नेतामा मनोनीत गरेको थियो। वरिष्ठ नेताका रूपमा मनोनीत भएपछि भण्डारी पहिलोपटक एमालेको बैठकमा सहभागी भएकी हुन्। वरिष्ठ नेताका रूपमा बैठकमा सहभागी भएको यो उनको पहिलोपटक हो। यसअघि असोज ८ गते बसेको एमाले सचिवालय बैठकले भण्डारीलाई वरिष्ठ नेता मनोनीत गर्ने निर्णय गरेको थियो। त्यसपछि केन्द्रीय कमिटी बैठकबाट उनको मनोनयन अनुमोदन गरिएको थियो। राष्ट्रपति बन्नुअघि भण्डारी नेकपा…

नयाँदिल्ली। भारतमा मतदाता सूचीको विशेष गहन पुनरवलोकन (एसआईआर) का क्रममा करोडौँ मतदाताको नाम हटाइएको विषयले राजनीतिक विवाद चर्किएको छ। निर्वाचन आयोगका महत्त्वपूर्ण निर्णयहरू आयोगकै दुई सदस्यको असहमतिका बाबजुद गरिएको आरोप सार्वजनिक भएपछि प्रमुख निर्वाचन आयुक्त ज्ञानेश कुमारको राजीनामा माग गर्दै विरोध प्रदर्शन तीव्र बनेको हो। भारतीय सञ्चारमाध्यम ‘इन्डियन एक्सप्रेस’ को अनुसन्धानात्मक समाचारमा निर्वाचन आयोगका तीनमध्ये दुई आयुक्तले मतदाता सूची संशोधनसम्बन्धी प्रमुख निर्णयमा औपचारिक असहमति जनाएको दाबी गरिएको छ। समाचारअनुसार पछिल्लो १० महिनामा ती आयुक्तहरूले एक दर्जनभन्दा बढी पटक निर्णय प्रक्रियामाथि आपत्ति जनाएका थिए। निर्वाचन आयोगले भने उक्त आरोप अस्वीकार गर्दै आफ्ना सबै निर्णय सर्वसम्मत र कानुनसम्मत रहेको दाबी गरेको छ।…

काठमाडौं । दसैँमा घर फर्किने यात्रुसँग सरकारले तोकेकोभन्दा बढी भाडा असुल्ने यातायात व्यवसायी तथा सवारीसाधनमाथि कारबाही हुने भएको छ। नेपाल यातायात व्यवसायी राष्ट्रिय महासंघले चाडपर्वको समयमा सरकारले निर्धारण गरेको भाडादरभन्दा बढी रकम नलिन यातायात व्यवसायी तथा कर्मचारीलाई निर्देशन दिएको छ। महासंघका महासचिव डेकनाथ गौतमले तोकिएको भाडादरभन्दा बढी रकम लिएको पाइएमा सम्बन्धित सवारीसाधनमाथि कारबाही हुने बताए। दसैँलाई लक्षित गर्दै सरकारले असोज २३ गतेदेखि देशभर यात्रुवाहक सवारीसाधनको अग्रिम टिकट बुकिङ खुला गर्ने निर्णय गरिसकेको छ। यात्रु तथा मालवाहक सवारीसाधनको आवागमनलाई व्यवस्थित, सहज र सुरक्षित बनाउन यातायात व्यवस्था विभाग, नेपाल यातायात व्यवसायी राष्ट्रिय महासंघ, मजदुर संघ–संगठन, प्रहरी प्रधान कार्यालय र उपत्यका ट्राफिक प्रहरी…

काठमाडौं । लमजुङको क्व्होलासोथार गाउँपालिकाका नेपाल विद्युत् प्राधिकरणको राष्ट्रिय प्रणालीमा जोडिन बाँकी रहेका विभिन्न वडामा विद्युत् विस्तारका लागि गाउँपालिकाले प्राधिकरणसँग छलफल गरेको छ। गाउँपालिका अध्यक्ष सूर्यप्रसाद गुरुङको नेतृत्वमा असोज १४ गते वडा नम्बर ३, ५, ६ र ७ का अध्यक्षहरू क्रमशः आसवीर गुरुङ, गीतबहादुर गुरुङ, मनलाल गुरुङ र लक्षुमान गुरुङसहितको टोलीले नेपाल विद्युत् प्राधिकरण लेखनाथ वितरण केन्द्रका केन्द्र प्रमुख इन्जिनियर सुनिल पौडेलसँग भेट गरी विद्युत् विस्तारका विषयमा छलफल गरेको हो। त्यसैगरी, असोज १५ गते गाउँपालिका अध्यक्ष गुरुङसहित वडा अध्यक्षहरूको टोलीले नेपाल विद्युत् प्राधिकरण गण्डकी प्रादेशिक कार्यालय पोखराका प्रादेशिक प्रमुख सुरज गौतमसँग भेट गरी गाउँपालिकाका विद्युत्सँग सम्बन्धित विभिन्न विषयमा छलफल गरेको…

काठमाडौं । मलेसियाले नेपालसँगको छलफलबिनै नेपाली कामदार भर्नालाई सीमित म्यानपावर कम्पनीको घेरामा राख्ने गरी अघि बढाएको नयाँ व्यवस्था कार्यान्वयनमा लैजाने भएको छ। आगामी ५ नोभेम्बरदेखि मलेसियाले नेपालबाट कामदार लैजाँदा २५ प्रिन्सिपल रिक्रुटमेन्ट एजेन्सी (पीआरए) र तिनसँग आबद्ध २५० एसोसिएट रिक्रुटमेन्ट एजेन्सी (एआरए) गरी २७५ म्यानपावर कम्पनीको संरचना प्रयोग गर्ने भएको हो। मलेसिया सरकारका लागि विदेशी कामदार व्यवस्थापन प्रणाली सञ्चालन गर्दै आएको बेस्टिनेट एसडिएन बीएचडीले ६ अक्टोबरमा जारी गरेको मेमोमार्फत नयाँ व्यवस्थाको कार्यतालिका सार्वजनिक गरेको हो। यसअघि नै मलेसियाले नेपालका २५ म्यानपावर कम्पनीलाई ‘प्रिन्सिपल’ र तिनको मातहत २५० कम्पनीलाई ‘एसोसिएट’का रूपमा राखेको थियो। अब यही संरचनाबाट मात्रै नेपालबाट नयाँ कामदार भर्ती…

काठमाडौं । अस्ट्रेलियाले बाढी तथा अन्य विपद्बाट प्रभावित नेपालका लागि थप १५ मिलियन अस्ट्रेलियन डलर सहयोग घोषणा गरेको छ। अस्ट्रेलिया भ्रमणमा रहेका परराष्ट्रमन्त्री शिशिर खनाल र अस्ट्रेलियाली विदेशमन्त्री सिनेटर पेनी वङबीच बिहीबार मेलबर्नमा भएको भेटवार्ताका क्रममा वङले उक्त सहयोग घोषणा गरेकी हुन्। यसअघि अस्ट्रेलियाले नेपालमा आपत्कालीन प्रतिकार्यका लागि ११ मिलियन अस्ट्रेलियन डलर सहयोग गर्ने प्रतिबद्धता जनाएको थियो। नयाँ घोषणा गरिएको १५ मिलियन डलर उक्त सहयोगमा थप हुनेछ। नयाँ सहयोग बाढी तथा विपद्पछिको राहत र प्रारम्भिक पुनर्लाभका कार्यमा केन्द्रित रहने जनाइएको छ। भेटवार्तामा नेपाल–अस्ट्रेलिया द्विपक्षीय सम्बन्धका विविध पक्षमा छलफल भएको थियो। दुवै मन्त्रीले दुई देशबीच लामो समयदेखि कायम रहेको घनिष्ठ, मैत्रीपूर्ण…