प्रेम घलेको ‘घलेगाउँको कथा’ पुस्तक सार्वजनिक

काठमाडौं । क्व्होलासोथार गाउँपालिका ३, घलेगाउँका प्रेमबहादुर घलेले आफ्नो बृतान्तसहितको घलेगाउँको कथा पुस्तक सार्वजनिक गरेका छन् । करिब साँढे २ दशक घलेगाउँको पर्यटन प्रवर्द्धनमामा लाग्नुभएका उहाँले आफ्नो कथा र घलेगाउँको कथालाई पुस्तक घलेगाउँको कथामा समेटेका छन् । उनले आफ्ना पूर्खाहरुप्रति समर्पण गर्दै लेख्नुभएको पुस्तक घलेगाउँको कथामा हालसम्म घलेगाउँका लागि आफूले गरेका काम, घलेगाउँलाई यहाँसम्म ल्याउँदाको संघर्षलाई समेटेका छन् ।
एकजना युवक लाहुर हुन गए पनि फर्किएर गाउँको सेवामा जुटेको र गाउँलाई अहिलेको स्थितिमा ल्याइ पु¥याउन दिएको योगदानबारे पनि पुस्तकमा उल्लेख गरिएको छ । पत्रकार प्रदीप पोखरेलले सम्पादन गरेकाे पुस्तकलाई पर्यटन व्यवस्थापन समिति, ग्रामीण पर्यटन घलेगाउँले प्रकाशन गरेको हो । कूल २ सय ९६ पृष्ठको यो पुस्तकमा उनले ३० वटा शीर्षक राखेर लेखेका छन् ।