काठमाडौं । नेपाल आइडल सिजन ५ का विजेता करण परियारको नयाँ गीत सार्वजनिक भएको छ । आइडल विजेता भएपछि करणको सार्वजनिक भएको यो गीत दोस्रो हो । करणलाई फिमेल भोकलामा गायिका अस्मिता अधिकारीले साथ दिएकी छन् ।
‘मैले सम्झिने मान्छे’ बोलको गीतलाई डा. विष्णु दाहालले लेखेका हुन् भने अर्जुन पोखरेलले कम्पोज गरेका हुन् । गीतमा महाराज थापाको एरेन्ज रहेको छ ।
सार्वजनिक गीतको भिडियोमा निकेश खड्काको निर्देशन रहेको छ । प्रेमिल गीतमा मोडल शनिशा भट्टराई र शितल वाग्लेको अभिनय देख्न सकिन्छ । भिडियोमा शितल र शनिशाको जोडी सुहाएको छ ।
भिडियोलाई मान कृष्ण महर्जन र पवन सुश्लिङले खिचेका हुन् भने विकास धमलाले सम्पादन र कलर गरेका हुन् ।
भिडियो
