काठमाडौं । काठमाडौंका पूर्वमेयर पीएल सिंहको निधन भएकोमा काठमाडौं महानगरपालिका र मातहतका कार्यालयहरूमा शोक बिदा दिने निर्णय गरिएको छ । पूर्वमन्त्री समेत रहेका सिंहको आज बिहान निजी निवासमा निधन भएको हो ।
प्रमुखका रूपमा काठमाडौं महानगरपालिकामा रहँदा र समाज सेवामा सक्रिय हुँदा सिंहले पुर्याएको योगदानको उच्च सम्मान गर्दै सोमबार अत्यावश्यक सेवाबाहेक काठमाडौं महानगरपालिका र मातहतका कार्यालयहरूमा शोक बिदा रहने जानकारी दिइएको छ । काठमाडौंमहानगरपालिका परिवारले उनीप्रति भावपूर्ण श्रद्धाञ्जली अर्पणसमेत गरेको छ । सिंहले तत्कालीन काठमाडौं नगरपालिकालाई संवत् २०५२ मङ्सिर २९ गते महानगरपालिका घोषणा गरेका थिए ।
