काठमाडौं । बैंकिङ कसुरको आरोपमा प्रभु बैंकका प्रमुख कार्यकारी अधिकृत (सीईओ) अशोक शेरचनसहित तीन उच्च पदस्थ अधिकारीलाई प्रहरीको केन्द्रीय अनुसन्धान ब्युरो (सीआईबी) ले पक्राउ गरेको छ।
पक्राउ पर्नेहरूमा शेरचनसहित बैंकका डेपुटी प्रमुख कार्यकारी अधिकृत मणिराम पोखरेल र प्रमुख कर्जा अधिकृत रिवास श्रेष्ठ रहेका छन्। आइतबार बैंकको केन्द्रीय कार्यालय बिजुलीबजारबाट सीआईबीको टोलीले उनीहरूलाई नियन्त्रणमा लिएको हो।
सीआईबीका प्रवक्ता एवं प्रहरी वरिष्ठ उपरिक्षक शिव कुमार श्रेष्ठका अनुसार उनीहरूमाथि बैंकिङ कसुरको अनुसन्धान अघि बढाइएको छ।
