Author: हाम्राे हेडलाइन

काठमाडौं । आँबुखैरेनी गाउँपालिकाले गाउँपालिकाभित्रका विद्यालयका विद्यार्थीको उपचार आँबुखैरेनी अस्पतालमा नि:शुल्क गर्ने निर्णय गरेको छ । गाउँपालिकाको शिक्षा समितिले पालिकाभित्रका कुनै विद्यार्थी बिरामी भए आँबुखैरेनी अस्पतालभित्र हुने सम्पूर्ण उपचार नि:शुल्क गर्ने निर्णय गरेको हो । गाउँपालिकाका अध्यक्ष शुक्र चुमानले निजी तथा सामुदायिक विद्यालयका विद्यार्थीको अस्पतालमा उपचार नि:शुल्क हुने जानकारी दिए । उनले भने, “विद्यार्थीको हितका लागि यो निर्णय गरिएको हो, अन्यत्रको अस्पतालको हकमा भने यो निर्णय लागू हुँदैन ।” शिक्षा समितिको बैठकले निजी र सामुदायिक विद्यालयले पुनः भर्ना शुल्क वा वार्षिक शुल्क नलिने निर्णय गरेको छ । निजी विद्यालयका प्रतिनिधिसहितको बैठकले यस्तो निर्णय गरेको चुमानले बताए । केही विद्यालयले भर्ना…

काठमाडौं । विज्ञापन बोर्डको अध्यक्षमा गजेन्द्र कुमार ठाकुर नियुक्त भएका छन् । यसअघिका अध्यक्ष लक्ष्मण हुमागाईं आफ्नो कार्यकाल पूरा गरी २०८१/१२/१९ गतेदेखि बोर्डबाट बिदा भएपछि केही समयको लागि ठाकुरलाई नियुक्त गरिएको हो । सञ्चार तथा सूचना प्रविधि मन्त्रालयका प्रवक्ता समेत रहेका ठाकुरलाई नियमावली अनुसार नै अध्यक्ष नियुक्त गरिएको मन्त्रालयले जनाएको छ । मन्त्रालयका प्रतिनिधि बोर्ड सदस्य रहने व्यवस्था रहेको र सोही अनुसार बोर्डको अध्यक्ष बोर्डमा ठाकुर नियुक्त हुनुभएको बोर्डका सूचना अधिकारी डिल्लिराम सुवेदीले जानकारी दिए ।

काठमाडौं । शिक्षा विज्ञान तथा प्रविधि मन्त्रालयले आन्दोलरत शिक्षकलाई वार्ता आउन आमन्त्रण गरेको छ । मन्त्रालयका प्रवक्ता तथा सहसचिव शिवकुमार सापकोटाले मंगलबार विज्ञप्ति जारी गर्दै वार्ता र संवादमा आउन नेपाल शिक्षक महासंघलाई आग्रह गरेका हुन् । यसअघि चैत २१ र २२ गते पनि शिक्षा मन्त्रालयले वार्ताका लागि आह्वान गरेको थियो । शिक्षकले भने वार्ताका लागि सरकारले गरेको आग्रहलाई अस्वीकार गर्दै आएका छन् । अहिले वार्ता, संवाद आवश्यक नरहेको भन्दै विगतका सहमतिअनुसार विद्यालय शिक्षा ऐन जारी गर्न महासंघले मन्त्रालयलाई जवाफ पठाएको छ । शिक्षा मन्त्रालयले २१ गते विज्ञप्ति र २२ गते पत्राचार गरेर वार्तामा बोलाएको थियो । सोमबार प्रधानमन्त्री केपी शर्मा…

काठमाडौं । तिलिचो तालबाट फर्कने क्रममा लेक लागेर एक जना कोरियाली नागरिकको मृत्यु भएको छ । जिल्लाको ङिस्याङ गाउँपालिका–९ थोरोज खोला भन्ने स्थानमा उनको मृत्यु भएको हो । आज बिहान म्येङोक जोङ नाम गरेका पर्यटकको ज्यान गएको सहायक प्रमुख जिल्ला अधिकारी युवराज अर्यालले बताए । दिवङ्गत पर्यटकको शव व्यवस्थापन गर्न प्रहरी परिचालन भएको जानकारी पनि उनले दिए । शव सदरमुकाम ल्याएपछि परीक्षण चामेमा गर्ने वा काठमाडौँ पठाउने भन्ने निर्णय गरिने सहायक प्रमुख जिल्ला अधिकारी अर्यालले बताए ।

काठमाडौं । राप्रपाका दुई नेता धवल शमशेर राणा र रविन्द्र मिश्रलाई थप १५ दिन थुनामा राखेर अनुसन्धान गर्न जिल्ला अदालत काठमाडौँले अनुमति दिएको छ। चैत १५ गतेको तीनकुने घटनामा संलग्न रहेको आरोपमा प्रहरीले सांसद समेत रहेका राणा र मिश्रलाई राज्यविरुद्धको अपराधमा अनुसन्धान गरिरहेको छ। काठमाडौं जिल्ला अदालतका सूचना अधिकारी दीपक कुमार श्रेष्ठले राज्यविरुद्धको अपराधमा अनुसन्धान गर्न राणासहित २० जनालाई थप अनुसन्धान गर्न १५ दिनको म्याद थप भएको जानकारी दिए। तीनकुने घटनामै संलग्न रहेको आरोपमा अपराधिक उपद्रव र संगठित अपराधमा अनुसन्धान गर्न अरु ७८ जनालाई पनि समातिएको छ। उनीहरुलाई अनुसन्धानका लागिथ थप २० दिनको समय अदालतले दिएको छ।

काठमाडौं । प्रधानमन्त्री केपी शर्मा ओलीले सुशासनका लागि दृढ अठोट बोकेर जनतालाई सेवा दिनुपर्ने बताएका छन्। मधेस प्रदेशसभालाई आज सम्बोधन गर्दै प्रधानमन्त्री ओलीले जनताको पहिलो अधिकार गरिबीबाट मुक्ति हुने भएकाले गरिबीका अगाडि अरु अधिकारको कुनै अर्थ नहुने स्पष्ट पारेका हुन्। उनले विकास र समृद्धिको यात्रामा मिलेर अघि बढ्न आह्वान गरे। ‘सङ्घीय लोकतान्त्रिक गणतान्त्रिक व्यवस्था हाम्रो उपलब्धि हो। यो उपलब्धिलाई केवल राजनीतिक उपलब्धिका मात्रै होइन जनताको सङ्घर्षबाट प्राप्त भएको उपलब्धिका रुपमा लिनुपर्छ। त्यसकारण हाम्रा प्रयासहरु जनताको सेवामा समर्पित हुनुपर्छ। परिपूर्ण लोकतन्त्रका लागि हामीले काम गर्नुपर्छ।’, प्रधानमन्त्री ओलीले भने, ‘जनताले परिवर्तनको उपलब्धि आफ्नो पेट, आफ्नो आङ र सन्ततिको हितमा खोज्छ। त्यसकारण हामीले…

काठमाडौं । गत चैत्र १५ गते काठमाडौंको तीनकुने क्षेत्रमा राजावादी समूहको प्रदर्शनका क्रममा आगजनी, तोडफोड गर्ने थप ६ जना पक्राउ परेका छन् । पक्राउ पर्नेमा सर्लाही घर भएका ललितपुर टीकाथली बस्ने २२ वर्षका अमित शाह, सुनसरी धरानका १९ वर्षका सुमन कार्की, बर्दियाका ३४ वर्षका हेमराज थारु पक्राउ परेका हुन् । यस्तै धादिङका २७ वर्षीय दिवस बोगटी क्षेत्री, काभ्रेपलाञ्चोक घर भएका ३० वर्षकी अनिता कुँवर(ऐनी), सन्धुपाल्चोकका ३० वर्षका ३० कुमार तामाङ पक्राउ परेका हुन् । उनीहरूलाई काठमाडौंको विभिन्न स्थानहरूबाट नियन्त्रणमा लिएको जिल्ला प्रहरी परिसर काठमाडौले जानकारी दिएको छ । प्रहरीका अनुसार काठमाडौं जिल्ला अदालतबाट तीन दिनको म्याद थप अनुमति प्राप्त भई…

काठमाडौं । राष्ट्रिय प्रजातन्त्र पार्टी (राप्रपा) को आमसभा सुरू हुँदैछ। राजसंस्था र हिन्दुराष्ट्रको मागसहित राप्रपाले आज आमसभा गर्न लागेको हो।त्यसका लागि राप्रपाले बिहान साढे ११ बजे बल्खुमा आमसभाको तयारी गरेको छ। राप्रपाका अध्यक्ष राजेन्द्र लिङ्देनलगायत दलहरूले सभालाई सम्बोधन गर्ने जनाइएको छ।राप्रपाको प्रदर्शनमा राजसंस्था पुनरस्थापनाका लागि गठित संयुक्त जनआन्दोलन समितिले पनि समर्थन जनाएको छ। उसले राष्ट्रिय झण्डासहित राप्रपाको कार्यक्रममा सहभागी हुने जनाएको छ। अहिले विभिन्न स्थानबाट सुरू भएर र्‍याली तथा जुलुश तोकिएको स्थानमा जम्मा हुने क्रम जारी छ। विरोध कार्यक्रमका कारण सवारी आवागमन प्रभावित हुनसक्ने भएकाले प्रहरीले सवारी डाइभर्सनको प्रबन्ध मिलाएको छ। प्रहरी अनुसार कलंकीको खसिबजार-मकालु चोक हुँदै बाफलतर्फ सवारी डाइभर्सन…

काठमाडौं । काठमाडौंको हावा मंगलबार बिहानैदेखि प्रदुषित बनेको छ । मंगलबार बिहान ७ः४५ मा काठमाडौंको वायु गुणस्तर २६१ एक्यूआई (एयर क्वालिटी इन्डेक्स) थियो । जुन बढेर २७९ एक्यूआई पुगेको छ । यो भनेको वायु गुणस्तरको ‘निकै अस्वस्थ’ तह हो । काठमाडौंको वायु गुणस्तर २७९ एक्यूआई पुगेसँगै विश्वकै प्रदुषित सहर बनेको छ । यसैगरी १८४ एक्यूआई अंकसहित विश्वकै दोस्रो प्रदुषित सहर भारतको दिल्ली बनेको छ । तेस्रो प्रदुषित सहर भने पाकिस्तानको राजधानी लाहोर रहेको छ । लाहोरको १८१ एक्यूआई रहेको छ । दुई सातादेखि काठमाडौंको हावा प्रदुषित भइरहेको छ । वातावरण तथा प्रदुषण विद्हरूका अनुसार २०७७ सालपछिको काठमाडौंको हावा लगातार प्रदुषित…

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले आफ्नो पार्टीले अराजकता र हिंसामा विश्वास नराख्ने स्पष्ट पारेका छन्। उनले पार्टीका सबै कार्यक्रम शान्तिपूर्ण रूपमा सञ्चालन हुने बताउँदै भोलि बल्खु क्षेत्रमा आयोजना हुने प्रदर्शन पनि अहिंसात्मक र भद्र रूपमा सत्याग्रहको स्वरूपमा अघि बढ्ने दाबी गरे। “हामी कुशासन र भ्रष्टाचारको अन्त्य चाहन्छौँ। यस अभियानमा सहभागी हुन राप्रपाको झण्डा, नेपालको राष्ट्रिय झण्डा वा कांग्रेस, एमाले, माओवादीका समर्थक भए पनि हाम्रा मुद्दालाई समर्थन गर्ने जो कोहीलाई आह्वान गर्छु,” लिङ्देनले भने। उनले देश बनाउने र बचाउने अभियानमा सबैलाई आफ्नै झण्डासहित सहभागी हुन आग्रह गरे। यसैबीच, अध्यक्ष लिङ्देनले गत चैत १५ गते भएको प्रदर्शनमा…