Author: हाम्राे हेडलाइन

चितवन । नारायणगढ–मुग्लिन सडक सोमबार बिहानदेखि निश्चित समयका लागि आंशिक रूपमा बन्द हुने भएको छ। तुइन खोलामा पहिरो रोकथाम तथा व्यवस्थापनको काम गर्नुपर्ने भएकाले सडकमा सवारी आवागमन रोकेर काम गर्न लागिएको हो। चितवनका प्रमुख जिल्ला अधिकारी गणेश अर्यालले जारी गरेको सूचनाअनुसार कृष्णभीरमा सडक मर्मत भइरहेका बेला त्यसको सदुपयोग गर्दै तुइन खोला परियोजनाअन्तर्गत माटो कटान तथा पहिरो व्यवस्थापनको काम गरिनेछ। कृष्णभीरको सडक मर्मत सम्पन्न भई नियमित रूपमा सवारी सञ्चालनमा नआएसम्म तुइन खोलामा उक्त काम जारी रहने प्रशासनले जनाएको छ। तुइन खोलामा पटक–पटक पहिरो झर्ने भएकाले सम्भावित रूपमा खस्न सक्ने माथिल्लो भागको माटो तथा ढुंगा पन्छाउने र पहिरो व्यवस्थापन गर्ने उद्देश्यले सडक…

काठमाडौं । नेपाल एसीसी प्रिमियर कप क्रिकेटको सेमिफाइनलमा प्रवेश गरेको छ। आइतबार साउदी अरेबियालाई ५ विकेटले पराजित गर्दै नेपालले प्रतियोगितामा लगातार तेस्रो जित निकालेको हो। यो जितसँगै नेपाल एक खेल अगावै अन्तिम चारमा पुगेको छ। मलेसियामा जारी प्रतियोगितामा टस जितेर पहिले ब्याटिङ गरेको साउदी अरेबिया ४९.२ ओभरमा १९० रनमा अलआउट भयो। उसका लागि अब्दुल वाहिदले सर्वाधिक ७७ रन बनाए भने मोहम्मद अतिफले ३० रनको योगदान दिए। नेपालका लागि कप्तान सन्दीप लामिछाने र दीपेन्द्रसिंह ऐरीले समान ३ विकेट लिए। ललित राजवंशीले २ तथा शेर मल्ल र गुल्शन झाले १–१ विकेट लिए। १९१ रनको लक्ष्य पछ्याएको नेपालले ४१ ओभरमै ५ विकेट गुमाएर…

काठमाडौं । भदौ १० गते आएको विनाशकारी भोटेकोशी बाढीले रसुवा, नुवाकोट र धादिङका विद्यालयमा ठूलो क्षति पुर्‍याएको छ। बाढीका कारण विद्यालय भवन, शैक्षिक संरचना र शैक्षिक गतिविधि प्रभावित हुँदा करिब १० हजार बालबालिकाको पढाइ प्रभावित भएको शिक्षा मन्त्रालयले जनाएको छ। शिक्षा मन्त्रालयको प्रारम्भिक विवरणअनुसार तीन जिल्लाका १९ विद्यालयमा प्रत्यक्ष क्षति पुगेको छ। तीमध्ये १० विद्यालय पूर्ण रूपमा र ९ विद्यालय आंशिक रूपमा क्षतिग्रस्त भएका छन्। पूर्ण रूपमा क्षति भएका विद्यालयमध्ये ८ सामुदायिक र २ संस्थागत विद्यालय छन्। त्यस्तै, आंशिक क्षति भएका विद्यालयमा ४ सामुदायिक र ५ संस्थागत विद्यालय रहेका छन्। मन्त्रालयका अनुसार यो प्रारम्भिक विवरण मात्रै हो। वास्तविक क्षतिको अवस्था…

काठमाडौं । नुवाकोटमा भदौ १० गते आएको विनाशकारी बाढीपछि बेपत्ता भएका दुई व्यक्तिको उद्धारले खोजी तथा उद्धार अभियानमा आशा जगाएको छ। बाढीले पुरिएको घरबाट ६४ वर्षीया चण्डिका श्रेष्ठ जीवितै भेटिएकी छन् भने माथिल्लो त्रिशूली–१ जलविद्युत् आयोजनाको टनेलमा फसेका एक चिनियाँ नागरिकको ११ दिनपछि उद्धार गरिएको छ। विदुर नगरपालिका–१०, बेत्रावतीकी चण्डिका श्रेष्ठलाई शनिबार बिहान नेपाल प्रहरी र सशस्त्र प्रहरीको उद्धार टोलीले घरबाट सकुशल उद्धार गरेको हो। सशस्त्र प्रहरी बलको १९ नम्बर गुल्मबाट प्रहरी निरीक्षक सुमन विकको नेतृत्वमा खटिएको टोलीले आनन्द श्रेष्ठको घरको चौथो तलाबाट उनलाई उद्धार गरेको थियो। उद्धारका क्रममा चण्डिका हिलोमा गाडिएको अवस्थामा फेला परेकी थिइन्। बाढीपछि लगातार आठ दिनसम्म…

काठमाडौं । प्रधानमन्त्री वालेन्द्र शाहले रसुवा–भोटेकोशी बाढीबाट प्रभावित बालबालिकाप्रति सहानुभूति व्यक्त गर्दै उनीहरूका लागि सुरक्षित र सहज बसोबासको व्यवस्था गरिने बताएका छन्। शुक्रबार साँझ सामाजिक सञ्जालमार्फत कृष्ण जन्माष्टमीको शुभकामना सन्देश जारी गर्दै प्रधानमन्त्री शाहले बाढीका कारण बाबुआमा तथा आफन्त गुमाएका बालबालिकाको अवस्था अत्यन्तै पीडादायी रहेको बताएका हुन्। बाढीका कारण कतिपय बालबालिका अझै स्तब्ध अवस्थामा रहेको, घर तथा बस्ती खण्डहर बनेको र खेल्ने चौरसमेत पुरिएकाले प्रभावित बालबालिकाको दैनिकी नै बदलिएको प्रधानमन्त्री शाहले उल्लेख गरेका छन्। उनका अनुसार बाढीपछि गम्भीर घाइते, गर्भवती, सुत्केरी, अपाङ्गता भएका व्यक्ति र वृद्धवृद्धासँगै बालबालिकाको उद्धारलाई पनि पहिलो प्राथमिकतामा राखिएको छ। प्रभावित क्षेत्रमा सञ्चालन भइरहेका होल्डिङ सेन्टरमा रहेका…

काठमाडौं । गृह मन्त्रालयले सहसचिव र उपसचिव गरी २३ जना उच्च पदस्थ कर्मचारीको सरुवा तथा पदस्थापन गरेको छ। मन्त्रालयले सरुवा तथा पदस्थापनसँगै विभिन्न जिल्लाका प्रमुख जिल्ला अधिकारी (सिडिओ)को जिम्मेवारीसमेत हेरफेर गरेको हो। सरुवा सूचीअनुसार गृह मन्त्रालयमै कार्यरत केही सहसचिवलाई विभिन्न जिल्लामा प्रमुख जिल्ला अधिकारीको जिम्मेवारी दिएर पठाइएको छ। त्यस्तै, केही जिल्लाका सिडिओको समेत सरुवा गरिएको छ। गृह मन्त्रालयले प्रशासनिक व्यवस्थापन तथा सेवा प्रवाहलाई प्रभावकारी बनाउने उद्देश्यसहित कर्मचारीको सरुवा तथा पदस्थापन गरेको जनाएको छ। को–कहाँ ? यस्तो छ सरुवा तथा पदस्थापनको सूची :

त्रिशूली ३ ‘ए’ जलविद्युत् आयोजनाको सुरुङमा फसेकामध्ये दुई जनाको जीवितै उद्धार गरिएको छ भने खोजीका क्रममा एक जनाको शव निकालिएको छ। लाङटाङ हाइड्रोको सुरुङभित्र खोजी गर्दा दुई शव फेला परेका छन्। त्रिशूली ३ ‘बी’, चिलिमे, माथिल्लो त्रिशूली १ लगायत आयोजनामा पनि खोज तथा उद्धार जारी छ। भदौ १९ गते दिउँसो ३ बजेसम्म हवाई साधनबाट २९ जनाको उद्धार गरिएको छ भने टिमुरेदेखि नवलपरासी पूर्वसम्म ९ हजार ३ सयभन्दा बढी नेपाली सैनिक खोज, उद्धार तथा राहतमा खटिएका छन्। काठमाडौं। भोटेकोशी र त्रिशूली नदीमा आएको विनाशकारी बाढीपछि जलविद्युत् आयोजनाका सुरुङमा केन्द्रित खोज तथा उद्धारका क्रममा त्रिशूली ३ ‘ए’ जलविद्युत् आयोजनाबाट दुई जनाको जीवितै…

नेपाली सेनाले त्रिशूली–३ ‘ए’ जलविद्युत् आयोजनाको सुरुङबाट दुई जनाको जीवितै उद्धार भएको आधिकारिक जानकारी दिएको छ। भदौ १० गते भोटेकोशीमा आएको विनाशकारी बाढीपछि उनीहरू सुरुङभित्र फसेका थिए। संयुक्त खोज तथा उद्धार टोलीले थप व्यक्तिको खोज तथा उद्धार कार्य जारी राखेको सेनाले जनाएको छ। काठमाडौं। नेपाली सेनाले रसुवाको भोटेकोशीमा आएको विनाशकारी बाढीपछि त्रिशूली–३ ‘ए’ जलविद्युत् आयोजनाको सुरुङभित्र फसेका दुई जनाको जीवितै उद्धार भएको पुष्टि गरेको छ। सेनाले भदौ १९ गते बिहान ९:३० बजेसम्मको खोज तथा उद्धारसम्बन्धी अद्यावधिक विवरण सार्वजनिक गर्दै संयुक्त खोज तथा उद्धार टोलीले दुई जनालाई जीवितै बाहिर निकालेको जनाएको हो। भदौ १० गते भोटेकोशीमा आएको विनाशकारी बाढीका कारण उनीहरू…

काठमाडौं । प्रधानमन्त्री बोलन शाहले रसुवाको भोटेकोशी नदीमा आएको बाढीपछि सरकारले खोज, उद्धार, राहत तथा पुनःस्थापनाका कामलाई तीव्रता दिएको बताएका छन्। उनले उपलब्ध स्रोत–साधनको अधिकतम प्रयोग गर्दै सरकार अहोरात्र प्रभावित क्षेत्रमा खटिरहेको र अन्तर्राष्ट्रिय स्तरबाट समेत सहयोग प्राप्त भइरहेको जानकारी दिएका छन्। प्रधानमन्त्री शाहका अनुसार भदौ १० गते भोटेकोशी नदीमा आएको भीषण बाढीपछि प्रभावित क्षेत्रमा खोज, उद्धार र उपचारको काम निरन्तर भइरहेको छ। सम्पर्कविहीन नागरिकको खोजी जारी राख्दै प्रभावितलाई खाद्यान्न, लत्ताकपडा तथा दैनिक उपभोग्य सामग्री उपलब्ध गराइएको उनले बताए। सरकारले प्रदेश र स्थानीय तहसँगको समन्वयमा विभिन्न स्थानमा होल्डिङ सेन्टर सञ्चालन गरेको छ। नुवाकोटका २४ होल्डिङ सेन्टरमा २ हजार ७९६ जना,…

काठमाडौं । गृह मन्त्रालयले बाढी प्रभावित क्षेत्रमा साना तथा अनधिकृत ड्रोन उडान नगर्न आग्रह गरेको छ। मन्त्रालयले अनुमतिबिना साना ड्रोन उडाइएको पाइएमा एन्टी–ड्रोन टोली परिचालन गरी त्यस्ता ड्रोन नियन्त्रणमा लिने तथा जफत गर्ने जनाएको छ। उद्धार तथा राहत कार्यलाई सुरक्षित र व्यवस्थित बनाउन बाढी प्रभावित क्षेत्रमा ड्रोन उडानमा कडाइ गरिएको मन्त्रालयले जनाएको हो। मन्त्रालयका अनुसार राहत सामग्री ढुवानी तथा शव स्थानान्तरणका लागि प्रयोग हुने १०० केजीसम्म भारवहन क्षमता भएका आधिकारिक ड्रोनलाई भने आवश्यक अनुमति दिएर सञ्चालन गर्न सकिनेछ। उद्धार तथा राहत कार्यमा अवरोध नहोस् र प्रभावित क्षेत्रमा सुरक्षा चुनौती नबढोस् भन्ने उद्देश्यले यस्तो व्यवस्था गरिएको मन्त्रालयले जनाएको छ। गृहमन्त्री सुधन…