Author: हाम्राे हेडलाइन

काठमाडौं । बाढी तथा पहिरो प्रभावित विभिन्न क्षेत्रमा खोज तथा उद्धार कार्यलाई तीव्रता दिइएको छ। नेपाली सेनाका अनुसार २०८३ भदौ २६ गते साँझ ५ः३० बजेसम्म हवाई साधनमार्फत थप ३० जनाको उद्धार गरिएको छ। यससँगै हालसम्म हवाई साधनमार्फत ४ हजार १३७ जनाको उद्धार गरिएको छ। उद्धार गरिएकामध्ये ३ हजार ८५४ जना नेपाली र २८३ जना विदेशी नागरिक रहेका छन्। रसुवागढी जलविद्युत् आयोजनामा कम्पोजिट क्विक रियाक्सन टिम तथा विदेशीसहितको संयुक्त खोज तथा उद्धार टोलीले खोजी कार्य गरिरहेको छ। यस्तै, लाङटाङ हाइड्रोमा नेपाली सेनाको टोलीले टनेलभित्र खोजी कार्य जारी राखेको छ। चिलिमे हाइड्रोमा विदेशीसमेत सहभागी संयुक्त टोलीले टनेलभित्र जमेको लेदो हटाउने काम गरिरहेको…

काठमाडौं । प्रधानमन्त्री बालेन शाहले उद्योगी व्यवसायीहरूसँग भेटवार्ता गर्दै उत्पादनमूलक तथा ठूला पूर्वाधार परियोजनामा आन्तरिक लगानी बढाउन आग्रह गरेका छन्। बिहीबार बिहान प्रधानमन्त्री कार्यालयमा भएको छलफलमा व्यवसायी विनोद चौधरी, चन्द्रप्रसाद ढकाल, उमेश श्रेष्ठ र पवन गोल्यान सहभागी थिए। प्रधानमन्त्रीको व्यक्तिगत निमन्त्रणामा भएको छलफलमा व्यवसायी मीनबहादुर गुरुङ भने स्वास्थ्य समस्याका कारण सहभागी हुन सकेनन्। छलफलमा प्रधानमन्त्री शाहले मुलुकभित्रै लगानीको वातावरण बनाउन सरकार पूर्ण रूपमा तयार रहेको बताएका थिए। व्यवसायी पवन गोल्यानका अनुसार प्रधानमन्त्रीले लगानी वृद्धिका लागि स्वदेशी पुँजी र लगानी परिचालनलाई पहिलो प्राथमिकतामा राख्ने, त्यसपछि गैरआवासीय नेपाली (एनआरएन) को लगानी जोड्ने र त्यसपछि ठूलो मात्रामा वैदेशिक लगानी (एफडीआई) भित्र्याउने प्राथमिकता सुनाएका…

काठमाडौं । रसुवाको भोटेकोशी नदीमा भदौ १० गते आएको विनाशकारी बाढीबाट प्रभावित शिक्षा क्षेत्रको पुनरुत्थानका लागि सरकारले २ अर्ब ३४ करोड ३२ लाख १७ हजार ५०० रुपैयाँ लाग्ने अनुमान गरेको छ। राष्ट्रिय योजना आयोग र राष्ट्रिय विपद् जोखिम न्यूनीकरण तथा व्यवस्थापन प्राधिकरणसहितको संयुक्त प्राविधिक टोलीले तयार पारेको ‘द्रुत क्षति तथा आवश्यकता आकलन’ प्रतिवेदनअनुसार बाढीबाट १८ वटा विद्यालय प्रभावित भएका छन्। तीमध्ये ११ वटा विद्यालयका भवन पूर्ण रूपमा क्षतिग्रस्त भएका छन् भने ७ वटा विद्यालयमा आंशिक क्षति पुगेको छ। बाढीका कारण विद्यालय भवनमा मात्रै क्षति पुगेको छैन। भवनभित्र रहेका शैक्षिक सामग्री, फर्निचर तथा अन्य सम्पत्तिसमेत नष्ट भएका छन्। बाढीपछि त्यस क्षेत्रमा…

काठमाडौं। बाढीका कारण त्रिशूली–मुग्लिन करिडोरमा क्षतिग्रस्त २० वटा झोलुङ्गे पुलमध्ये ६ वटाको मर्मत कार्य आगामी १० दिनभित्र सम्पन्न गर्ने लक्ष्यसहित सरकारले निर्माण कार्यलाई तीव्र बनाएको छ। बाढीका कारण ती पुलका फलामे लठ्ठाहरू सुरक्षित रहे पनि मानिस हिँड्ने भाग (डेक) भने बगाएको थियो। डेक बगाएपछि अवरुद्ध भएका पुललाई पुनः सञ्चालनमा ल्याउन सरकारले नयाँ डेक खरिद प्रक्रिया अघि बढाएको हो। नयाँ डेक खरिदका लागि यही भदौ २२ गते विभिन्न निर्माण कम्पनीसँग सम्झौता भइसकेको छ। सम्झौताअनुसार निर्माण कम्पनीहरूले आगामी १० दिनभित्र डेक उत्पादन गरी सरकारलाई हस्तान्तरण गर्नेछन्। हाल सरकारले पूर्वाधार मन्त्रालयअन्तर्गतको स्थानीय पूर्वाधार विकास विभागका प्राविधिकहरूलाई कार्यक्षेत्रमै खटाएर पुलका फलामे लठ्ठा तान्ने तथा…

-राजेन्द्र राना- सन्तान जन्मिएको पहिलो क्षण आमाबुबाका लागि जीवनकै अविस्मरणीय क्षण मानिन्छ। नौ महिनासम्म गर्भमा हुर्किएको बच्चालाई पहिलोपटक हेर्ने, छुने र छातीमा टाँस्ने त्यो क्षणको प्रतीक्षा हरेक परिवारले गरेको हुन्छ। हामीले पनि त्यही दिनको प्रतीक्षा गरिरहेका थियौँ। छोरी जन्मिने अनुमानित मिति भदौ १९ गते थियो। घरमा उनको आगमनका कल्पना सुरु भइसकेका थिए। तर हाम्रो प्रतीक्षाले अचानक अर्कै मोड लियो। गर्भावस्थाको ३१ हप्तामै आकस्मिक रूपमा शल्यक्रिया गर्नुपर्ने अवस्था आयो। असार १६ गते छोरी जन्मिइन्। उनी संसारमा त आइन्, तर आमाको काखमा आउन सकिनन्। जन्मिँदा उनको तौल केवल १ किलो ३०० ग्राम थियो। समयभन्दा धेरै अगाडि जन्मिएकाले तत्काल नवजात शिशु सघन उपचार…

काठमाडौं। सरकारले अनुचित लेनदेन अर्थात् मिटरब्याजसम्बन्धी अपराध नियन्त्रणका लागि छुट्टै विधेयक तर्जुमा गर्न सैद्धान्तिक स्वीकृति दिएको छ। भदौ २५ गते बसेको मन्त्रिपरिषद् बैठकले मिटरब्याज अपराध नियन्त्रणसम्बन्धी विधेयक निर्माण अघि बढाउनेसहित सात प्रमुख निर्णय गरेको हो। बैठकले संयुक्त राष्ट्रसंघको ८१औँ महासभामा असोज ६ देखि १० गतेसम्म प्रधानमन्त्री वालेन्द्र शाहको नेतृत्वमा सहभागी हुने नेपाली प्रतिनिधिमण्डलको भ्रमण स्वीकृत गरेको छ। भारतको नयाँ दिल्लीमा हुने नेपाल–भारत अन्तरसरकारी उपसमितिको बैठकमा सहभागी हुन नेपाली वार्ता टोली गठन गर्ने निर्णयसमेत भएको छ। संवत् २०८३ साल भदौ २५ गतेको नेपाल सरकार, मन्त्रिपरिषद् बैठकका मुख्य निर्णयहरू १ . संयुक्त राष्ट्रसंघको ८१ औं महासभामा २०८३ असोज ६ देखि १० गतेसम्म…

काठमाडौं । रसुवाको भोटेकोशी नदीमा भदौ १० गते आएको विनाशकारी बाढीबाट क्षतिग्रस्त संरचनाको पुनर्निर्माण तथा पुनरुत्थानका लागि सरकारले ७ खर्ब २३ अर्ब ३१ करोड ५२ लाख रुपैयाँ आवश्यक पर्ने आकलन गरेको छ। राष्ट्रिय योजना आयोग र राष्ट्रिय विपद् जोखिम न्यूनीकरण तथा व्यवस्थापन प्राधिकरणसहितको संयुक्त प्राविधिक टोलीले तयार पारेको द्रुत क्षति तथा आवश्यकता आकलन (आरडिएनए) प्रतिवेदनले बाढीबाट सबैभन्दा बढी प्रभावित पूर्वाधार क्षेत्रको पुनरुत्थानका लागि मात्रै ४ खर्ब ७३ अर्ब ५७ करोड १९ लाख रुपैयाँ आवश्यक पर्ने देखाएको हो। यो कुल पुनरुत्थान आवश्यकताको करिब ७५ प्रतिशत हो। प्रतिवेदनअनुसार बाढीबाट ऊर्जा तथा सडक पूर्वाधारमा ठूलो क्षति पुगेको छ। बाढीका कारण ७५९ मेगावाट क्षमताका…

काठमाडौं । उद्योग, वाणिज्य तथा आपूर्तिमन्त्री गौरीकुमारी यादवले पदबाट राजीनामा दिएकी छन्। मन्त्री यादवले प्रधानमन्त्री बालेन शाहसमक्ष राजीनामा बुझाएको उनका सञ्चार संयोजक कमल चौलागाईंले जानकारी दिएका छन्। यादवले बुधबार संघीय संसद्को उद्योग समितिको बैठकमा ग्यास उद्योगीहरूलाई लक्षित गर्दै विवादास्पद अभिव्यक्ति दिएकी थिइन्। उनले ग्यास आपूर्ति सहज बनाउन उद्योगीहरूलाई कडाइ गर्नुपर्ने बताउँदै ‘पाता नफर्काएसम्म ग्यास सहज नहुने’ धारणा राखेकी थिइन्। त्यसैगरी उनले नेपालमा सञ्चालनमा रहेका ५८ वटा ग्यास उद्योगको संख्यामाथि प्रश्न उठाउँदै आवश्यक परे लाइसेन्स खारेज गर्नुपर्ने धारणा समेत राखेकी थिइन्। उनको अभिव्यक्तिप्रति ग्यास उद्योगीहरूले आपत्ति जनाउँदै भनाइ फिर्ता लिन माग गरेका थिए। राजीनामा दिनुअघि मन्त्री यादवको अभिव्यक्तिलाई लिएर उद्योगी र…

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले विपत्तिको समयमा सरकारले उद्धार, उपचार तथा राहतका लागि प्रभावकारी रूपमा राज्य संयन्त्र परिचालन गरेको बताएका छन्। बुधबार बसेको प्रतिनिधिसभाको बैठकलाई सम्बोधन गर्दै लामिछानेले विपत्तिको अवस्थालाई सत्ता र प्रतिपक्षको परम्परागत दृष्टिकोणबाट हेर्न नहुने धारणा राखे। विपत्ति सुरु भएदेखि नै सरकारले आफ्नो सम्पूर्ण राज्य संयन्त्र परिचालन गरी उद्धार, उपचार र राहतका काम अघि बढाएको उनको भनाइ छ। लामिछानेका अनुसार विपत्तिको सुरुकै घण्टामा हजारौँ सुरक्षाकर्मी प्रभावित क्षेत्रमा परिचालन गरिएको थियो। प्रभावित क्षेत्रमा हवाई उद्धारसमेत व्यवस्थित रूपमा सञ्चालन गरिएको उनले दाबी गरे। उनले विपत्तिमा सरकारको भूमिकालाई राजनीतिक चस्माबाट मूल्याङ्कन गर्न नहुने बताए। ‘यो विपत्तिमा…

काठमाडौं । भोटेकोशी नदीमा हालै आएको बाढीका कारण आपूर्ति प्रणालीमा असर परेपछि काठमाडौं उपत्यकामा एलपी ग्यासको आपूर्ति सहज बनाउन सरकारले वैकल्पिक व्यवस्था अपनाउने भएको छ। उद्योग, वाणिज्य तथा आपूर्तिमन्त्री गौरीकुमारी यादवले उपभोक्तालाई सहज रूपमा ग्यास उपलब्ध गराउन सम्बन्धित निकायलाई आवश्यक व्यवस्था मिलाउन निर्देशन दिएकी छन्। मन्त्री यादवले काठमाडौं उपत्यकामा मात्र लागू हुने गरी एउटा कम्पनीको ग्यास सिलिन्डर उपलब्ध नभएको अवस्थामा अर्को कम्पनीको ग्यास सिलिन्डरसँग उही मूल्यमा साट्न सकिने व्यवस्था मिलाउन निर्देशन दिएकी हुन्। यस व्यवस्थाअनुसार उपभोक्ताले आफूले प्रयोग गर्दै आएको कम्पनीको सिलिन्डर तत्काल उपलब्ध नभएको अवस्थामा अन्य कम्पनीको सिलिन्डरमार्फत समेत ग्यास प्राप्त गर्न सक्नेछन्। बाढीका कारण उत्पन्न आपूर्ति असहजतालाई तत्काल…