काठमाडौं । लमजुङ दूधपोखरी गाउँपालिकाकी पूर्वअध्यक्ष छुपीमाया गुरुङको निधन भएको छ। ५८ वर्षीया उनको उपचारको लागि चितवन लैजाँदै गर्दा बाटोमा निधन भएको हो । स्थानीय तह निर्वाचन–२०७४ मा नेपाली कांग्रेसका तर्फबाट दूधपोखरी गाउँपालिका अध्यक्षमा निर्वाचित भएकी थिइन्।
दूधपोखरी ५, कोल्की घर भएका गुरुङ केही वर्षयता पाठेघरको क्यान्सरबाट पीडित थिइन्। उनलाई थप पीडा भएपछि उपचारको लागि लैजाँदै गर्दा मंगलबार बिहानपख ३ बजेतिर बाटोमै निधन भएको नेपाली कांग्रेस जिल्ला कार्यसमिति सदस्य रामहरि न्यौपानेले जानकारी दिए। कांग्रेस गण्डकी प्रदेश समिति सदस्य, नेपाली कांग्रेस महासमिति सदस्य गुरुङ अविवाहित हुन्।
