सत्ता गठबन्धनको बैठक सोमबार बिहानै बोलाइयो

काठमाडौं । सत्ता गठबन्धन बैठक सोमबार बिहान बस्ने भएको छ । सत्ता गठबन्धनमा खटपट चलिरहेका बेला सोमबार बिहान ८ बजे बैठक बाेलाइएकाे हाे । गठबन्धनमा चलिरहेकाे अविश्वास र खटपटकाबीच बस्न लागेको बैठकलाई अर्थपूर्ण रूपमा हेरिएको छ ।
बैठकमा राष्ट्रियसभा अध्यक्षकाे निर्वाचनका साथै टीआरसी विधेयक र मन्त्रिपरिषद् पुनर्गठनका विषयमा समेत छलफल हुने बताइएकाे छ ।
आजै साँझ कांग्रेस सभापति शेरबहादुर देउवाले आफ्नाे पार्टीबाट सरकारमा मन्त्री रहेकाहरूसँग छलफल गरेका छन् । अपराह्न साढे ३ देखि साँझ साढे ६ बजेसम्म चलेको बैठकमा आठ जना मन्त्री सहभागी थिए । नेताहरू कृष्ण सिटौला र रमेश लेखक पनि बैठकमा थिए ।