Author: हाम्राे हेडलाइन

काठमाडौं । अष्ट्रेलियाको नर्दन टेरिटोरीमा जारी टप एण्ड टी–२० शृङ्खलाअन्तर्गत आज  नेपाल र  पाकिस्तान  शाहीन्सबीच प्रतिस्पर्धा हुँदैछ। समूह चरणको अन्तिम खेलमा आज नेपाल र पाकिस्तानबीच प्रतिस्पर्धा नेपाली समयअनुसार अपराह्न ३ः१५ बजे प्रारम्भ हुनेछ। सहभागी ११ टोलीमध्ये अङ्क तालिकाको सातौँ स्थानमा रहेको नेपालले सेमिफाइनल प्रवेशका लागि आजको खेल जित्नैपर्ने दबाब छ। नेपाल पहिलो खेलमा एनटी स्ट्राइकसँग ४२ रनले पराजित भएको थियो भने दोस्रो खेलमा बंगलादेश ए सँग ३२ रनले तथा तेस्रो खेलमा मेलबर्न स्टार्ससँग ३१ रनले पराजित भएको थियो। मंगलबार भएको चौथो खेलमा भने नेपालले हुबर्ट हरिकेन्स माथि ६६ रनको फराकिलो जित हात पारेको थियो। त्यस्तै मेलबर्न रेनेगेड्स एकेडेमीलाई ३३ रनले पराजित…

काठमाडौं । चार जना प्रमुख प्रशासकीय अधिकृतसहित १० जना उपसचिवको सरुवा गरिएको छ । संघीय मामिला तथा सामान्य प्रशासन मन्त्रालयले मध्येनेपाल नगरपालिका, रामग्राम नगरपालिका, गौरीगङ्गा नगरपालिका र बेलका नगरपालिकाका प्रमुख प्रशासकीय अधिकृतसहित संघीय तथा प्रदेश मन्त्रालयका उपसचिवहरूको सरुवा गरेको हो । मन्त्रालयबाट सरुवा गरिएकामध्ये शुक्लागण्डकी नगरपालिका, रामग्राम नगरपालिका, प्युठान नगरपालिका, भोजपुर नगरपालिका, गौरीगङ्गा नगरपालिका र मध्यपुर ठिमी नगरपालिकामा प्रमुख प्रशासकीय अधिकृतको जिम्मेवारी दिई पठाइएको छ ।

काठमाडौं । प्रतिनिधि सभाको शिक्षा, स्वास्थ्य तथा सूचना प्रविधि समितिले लामो छलफलपछि आज विद्यालय शिक्षा विधेयक पारित गरेको छ। समितिको बैठकमा प्रमुख प्रतिपक्षी दल माओवादी केन्द्र, राष्ट्रिय स्वतन्त्र पार्टी र राष्ट्रिय प्रजातन्त्र पार्टीका सांसदले फरकमत राखे। माओवादी केन्द्रले पाँच बुँदे फरकपत्र दर्ता गरेको छ। सांसद देवेन्द्र पौडेल, महिन्द्रराय यादव, रेखा शर्मा र ज्ञानु बस्नेत सुवेदीले विधेयकमा उठाइएका शिक्षा सुधारका विषय पर्याप्त सम्बोधन नभएको कारण फरकमत दिएको जनाएका छन्। यो विधेयक अब प्रतिनिधि सभाको आगामी बैठकमा पेश हुने तयारीमा छ। विधेयकले विद्यालय शिक्षा सम्बन्धी कानुनलाई एकीकृत र संशोधन गर्ने उद्देश्य राखेको छ।

काठमाडौं । पूर्वराष्ट्रपति विद्यादेवी भण्डारीले राजनीतिक दलहरुभित्र विकृति र विसंगति फस्टाएको बताएकी छन्। बिहीबार काठमाडौंको थापाथलीमा आफ्नो सम्पर्क कार्यालय उद्घाटन सभालाई सम्बोधन गर्दै उनले राजनीतिमा देखिएका विकृतिलाई समाधान गर्न दलहरूले भूमिका निभाउन नसकेको टिप्पणी गरिन्। भण्डारीले सरकारले सुशासन प्रवर्द्धन गर्न नसकेको उल्लेख गर्दै वर्तमान राजनीतिक प्रणालीअनुसार दलहरू अघि बढ्न असमर्थ भएको प्रष्ट पारिन्। उनले संसदलाई निरीह थलो भएको पनि बताइन्। पूर्वराष्ट्रपतिले कानुन निर्माणमा समयानुकूल अध्ययनको अभाव रहेको र ठूला दलहरूले संविधान संशोधनको सहमति गरे तापनि संविधानमा के अभाव छ र के आवश्यकता छ भन्ने विषयमा पर्याप्त छलफल नभएको जिकिर गरिन्। साथै, भण्डारीले शिक्षासम्बन्धी समस्यालाई नेपालका लागि ठूलो चुनौती भएको भन्दै…

काठमाडौं । नेकपा एमालेका वरिष्ठ उपाध्यक्ष ईश्वर पोखरेलले जननेता मदन भण्डारीद्वारा प्रतिपादित जनताको बहुदलीय जनवाद (जबज) विरुद्ध उठिरहेका आलोचनात्मक आवाजप्रति आपत्ति जनाएका छन्। काठमाडौंमा आयोजित मदन भण्डारी ७५औं जन्मजयन्ती मूल व्यवस्थापन समितिको कार्यालय उद्घाटन कार्यक्रममा पोखरेलले जबज विचारलाई प्रतिकूलतासँग लड्दै स्थापित भएको बताए। उनले भने, “यो विचार आँधी–तुफानसँग जुध्दै अघि आएको हो, यसको जग र पृष्ठभूमि बुझ्नुपर्छ।” हालै एमाले अध्यक्ष केपी शर्मा ओलीले मदन भण्डारी फाउन्डेशनलाई ‘ठगीखाने भाँडो’ भन्दै आलोचना गरेपछि पोखरेलको भनाइ ओलीलाई लक्षित प्रतिक्रिया भएको विश्लेषण गरिएको छ। उनले थपे, “चुनौती त आउँछन्, अपजस पनि आउँछन्, तर चुनौती सामना गरेर अघि बढ्नुको विकल्प छैन। मनोबल कमजोर हुन दिनु…

काठमाडौं । प्रतिनिधि सभाको कृषि, सहकारी तथा प्राकृतिक स्रोत समितिले भूमि सम्बन्धी विधेयक बहुमतले पारित गरेको छ। बिहीबारको बैठकमा समितिले विधेयकलाई अनुमोदन गरेको हो। विधेयकको छलफलको क्रममा माओवादी केन्द्र बाहिरिएको छ भने माओवादी र रास्वपाले फरक मत राख्ने तयारी गरिरहेका छन्।

काठमाडौं । बर्खायाम सुरु भएदेखि नेपालमा डेंगी संक्रमण बढ्दै गएको छ। इपिडिमियोलोजी तथा रोग नियन्त्रण महाशाखा (ईडीसीडी)का अनुसार गत पुस मध्यदेखि हालसम्म ३ हजार १३० जनामा डेंगी पुष्टि भएको छ भने दुई जनाको मृत्यु भएको छ। डेंगी ७४ जिल्लामा फैलिसकेको छ। गत एक हप्तामात्रै १९८ नयाँ संक्रमित थपिएका छन्। बागमती प्रदेशमा ३०३, कोशीमा ४७, गण्डकीमा २९, सुदूरपश्चिममा २४, लुम्बिनीमा २२, मधेशमा १८ र कर्णालीमा ६ जनामा डेंगी पुष्टि भएको ईडीसीडीले जनाएको छ। डेंगी एडिस जातको लामखुट्टेबाट सर्ने भाइरल रोग हो। सामान्य लक्षणमा उच्च ज्वरो, मांसपेशी र जोर्नी दुखाइ, वाकवाकी र बान्ता देखिन सक्छ। करिब ५ प्रतिशत बिरामीमा जटिल लक्षण देखा…

काठमाडौं । अमेरिकाको एक संघीय अपिल अदालतले राष्ट्रपति डोनाल्ड ट्रम्प नेतृत्वको प्रशासनलाई ठूलो राहत दिने निर्णय गरेको छ। यस फैसलासँगै नेपाल र मध्य अमेरिकाका करिब ६० हजार आप्रवासीलाई दिइँदै आएको अस्थायी संरक्षित स्थिति (TPS) अन्त्य गर्ने बाटो खुलेको छ। यसअघि तल्लो अदालतले आप्रवासीको पक्षमा आदेश दिँदै सुरक्षा स्थिति कायम राख्न भनेको थियो। तर नवौँ सर्किट कोर्ट अफ अपिल्सले सो आदेश उल्ट्याउँदै ट्रम्प प्रशासनलाई आप्रवासीलाई घर फर्काउने बाटो सहज बनाइदिएको हो। यस फैसलाबाट नेपालका करिब सात हजार आप्रवासी प्रत्यक्ष प्रभावित हुने देखिएको छ। उनीहरूको TPS म्याद यसै वर्ष अगस्त ५ मा सकिएको छ। यस्तै, होन्डुरसका ५२ हजार र निकारागुवाका करिब चार…

काठमाडौं । गृहमन्त्री रमेश लेखकले प्रहरी संगठनभित्र महिला प्रहरीको संख्या २० प्रतिशत पुर्‍याउनुपर्ने बताएका छन्। प्रहरी प्रधान कार्यालय नक्सालमा आजदेखि सुरु भएको प्रथम महिला प्रहरी सम्मेलनको उद्घाटन गर्दै उनले संविधानले हरेक क्षेत्रमा ३३ प्रतिशत महिलाको प्रतिनिधित्वको व्यवस्था गरेको भए पनि त्यो लक्ष्य तत्कालै पूरा गर्न समय लाग्ने बताए। ‘हामीले आरक्षणको प्रबन्ध गरेका छौँ। तर त्यो अहिले नै पूरा हुने स्थिति छैन,’ मन्त्री लेखकले भने, ‘सरकारले महिलालाई ३३ प्रतिशत आरक्षणको व्यवस्था गरेको छ। यो दीर्घकालीन कार्यक्रम हो, विस्तारै पूरा हुन्छ।’ हाल प्रहरीमा करिब २० प्रतिशत महिला प्रहरी रहेको उल्लेख गर्दै उनले आवश्यक नीति र कार्यक्रममार्फत् महिला सहभागिता बढाउने सरकारको तयारी रहेको…

काठमाडौं । काठमाडौंसहित १३ जिल्लाका प्रमुख जिल्ला अधिकारी (सिडिओ) हेरफेर भएका छन्। गृह मन्त्रालयको निर्णयअनुसार काठमाडौंको सिडिओमा छविलाल रिजाललाई सरुवा गरिएको छ भने काठमाडौंका तत्कालीन सिडिओ ऋषिराम तिवारीलाई मन्त्रालयमै तानिएको छ। यस्तै सोलुखुम्बु, रसुवा, मनाङ, बाजुरा, मुगु, म्याग्दी, कालिकोट, रुकुम पश्चिम, ताप्लेजुङ, डोल्पा, हुम्ला र रुकुम पूर्वका सिडिओ पनि फेरेका छन्। ती जिल्लामा कार्यरत अनोजकुमार घिमिरे, अर्जुन पौडेल, मातृका आचार्य, मेघनाथ पाध्या, कमलप्रसाद पाण्डे, गुरुदत्त ढकाल, नारायणप्रसाद भट्टराई, कुलबहादुर जीसी, नेत्रप्रसाद शर्मा, रोमबहादुर महत, नारायण पाण्डेय र रुद्रप्रसाद न्यौपानेलाई गृह मन्त्रालयमा तानिएको हो। नयाँ सिडिओका रुपमा गणेशप्रसाद पौडेल बाजुरा, लिलाकुमारी केसी पाण्डे सोलुखुम्बु, राजेश पन्थी रसुवा, नवराज पौडेल मनाङ, शिवराज…