Author: हाम्राे हेडलाइन

काठमाडौं । काठमाडौंको तीनकुनेमा राजावादी प्रदर्शनकारीले आगजनी गरेको घरभित्र एकजना व्यक्ति जलेर एभिन्युज टिभीका पत्रकार मृत फेला परेका छन्। प्रहरीका अनुसार सो भवनको छतमा चढेर टेलिभिजनका लागि दृष्य खिचिरहेका सुरेश रजकको मृत्यु भएको हो। यसअघि लिंगसमेत पहिचान नभएर सनाखत भएको थिएन्। तीनकुनेको रोयल बैंक्वेट नजिकैको घरमा राजावादीहरुले शुरुमा तोडफोड गरेर त्यसपछि आगो लगाएका थिए।

काठमाडौं । तीनकुनेमा भएको राजवादीहरुको प्रदर्शनमा प्रहरीको गोलि लागेका एक युवकको मृत्यु भएको छ । महाराजगञ्जस्थित त्रिवि शिक्षण अस्पतालमा कीर्तिपुरका २९ वर्षीय सविन महर्जनको मृत्यु भएको छ । शुक्रबार दिउँसो भएको राजावादीहरूको प्रदर्शनमा घाइते भएका महर्जनको उपचारका क्रममा मृत्यु भएको हो । उनको मृत्यु भएको गृह मन्त्रालयका सहसचिव छवि रिजालले पुष्टि गरे । घाँटीमा गोली लागेका उनको ४ः३० बजे अस्पताल पुग्दानै मृत्यु भइसकेको थियो । उनको शव महाराजगञ्जस्थित त्रिवि शिक्षण अस्पतालमा राखिएको छ।

काठमाडौं । राजावादीहरुको प्रदर्शनले उग्र रुप लिएको छ ।प्रदर्शनकारीले तीनकुनेमा तोडफोड गरेलगत्तै कोटेश्वर भाटभटेनीमा आगजनी र तोडफोड शुरु गरेका छन् । यसअघि प्रदर्शनकारीले कान्तिपुर टेलिभिजनको कार्यालयमा र अन्नपूर्ण पोस्ट्को कार्यालयमा पनि ढुंगा प्रहार गरेका थिए। राजावादीका नाममा अराजकता ठाउँमा तोडफोड र आगजनी बढेपछि कर्फ्र्युको आदेश गर्ने प्रशासनले तयारी गरेको छ ।

काठमाडौं । सरकारले कर्फ्यु आदेश जारी गरेसँगै नेपाली सेनाको टोली काठमाडौंका मुख्य सडकहरूमा परिचालन गरिएको छ । राजावादी समूहको प्रदर्शन हिंसात्मक बनेपछि सुरक्षा व्यवस्था कडा पारिएको हो । शुक्रबार दिउँसो तीनकुने क्षेत्रमा भेला भएका प्रदर्शनकारीहरूले तोडफोड र आगजनी गरेपछि स्थिति जटिल बनेको थियो । परिस्थितिलाई नियन्त्रणमा लिन जिल्ला प्रशासन कार्यालयले केही स्थानहरूमा कर्फ्यु आदेश जारी गरेपछि सेना सडकमा खटिएको हो । कर्फ्यु लागु भएसँगै काठमाडौंका संवेदनशील स्थानहरूमा सुरक्षा निकायको बाक्लो उपस्थिति देखिएको छ । प्रशासनले आम नागरिकलाई तोकिएको क्षेत्रभित्र आवतजावत नगर्न र निषेधाज्ञा पालना गर्न अनुरोध गरेको छ । नेपाली सेनाले काठमाडौं उपत्यकामा सेना परिचालन नभएको, तर आगजनी र लुटपाटजस्ता…

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रधानमन्त्री एवं नेकपा एमालेका अध्यक्ष केपी शर्मा ओलीले गणतन्त्रवादी हुँ भनेर आफूलाई पुष्टि गर्नुपर्ने बताएका छन् । समाजवादी मोर्चाले शुक्रबार काठमाडौंमा गरेको सभामा बोल्दै प्रचण्डले आफूहरूलाई ओलजीप्रति शंका रहेको बताएका हुन् । ‘हिजो पटक-पटक संविधान मिचेर संसद् विघटन गर्ने, अहिले उल्टो काम गर्दा राजावादीसँग मिलेको त होइन भन्ने प्रश्न छ । हिजो पनि उहाँ राजावादीसँग मिल्न खोज्नुहुन्थ्यो । हिजो गणतन्त्रसँग ओलीजीको रिस थियो । बयलगाडाको आविष्कारक उहाँ हो,’ प्रचण्डले भने, ‘उहाँलाई गणतन्त्रसँग रिस छ । उल्टो उल्टो काम गरिदिएपछि राजावादीलाई फाइदा हुन्छ । यसैले गणतन्त्रवादी नै हो भन्नेको लागि पुष्टि गर्नुपर्छ…

काठमाडौं । काठमाडौँको गौशालादेखि, एयरपोर्ट, गैरीगाउँ हुँदै तीनकुनेसम्म कार्फ्यु लागेको छ। जिल्ला प्रशासन कार्यालय, काठमाडौँले स्थिति नियन्त्रणमा गएपछि कर्फ्यु आदेश जारी गरेको हो। शुक्रबार ४:२५ बजेदेखि राति १० बजेसम्म कर्फ्यु आदेश जारी भएको हो। प्रशासनले मनोहरा खोला पुलदेखि शान्तिनगरसम्म कर्फ्यु लगाएको हो। गौशालादेखि पुरानो बानेश्वर हुँदै नयाँ बानेश्वरसम्म पनि कर्फ्यु लागेको छ। राजसंस्था पक्षधरको प्रदर्शन उग्र बन्दै गएपछि प्रशासनले कर्फ्यु लगाएको हो।

काठमाडौं । तीनकुनेमा राजसंस्था पक्षधर प्रदर्शनकारीमाथि प्रहरीले बल प्रयोग गरेको छ। आन्दोलनकारीले बानेश्वरतर्फ जाने प्रयास गरेपछि प्रहरीले पाँच राउन्ड अश्रुग्यास प्रहार गरेको हो। वाटर क्यानन पनि तयारी अवस्थामा राखेको छ। यसअघि पनि उनीहरू बानेश्वरतर्फ जान खोजेपछि झडप भएको थियो। प्रहरीले बल प्रयोग गरेपछि उनीहरू पछि हटेका थिए।

काठमाडौं । सर्वोच्च अदालतले कुलमान घिसिङको पक्षमा अन्तरिम आदेश दिन अस्वीकार गरेको छ । न्यायाधीश अब्दुल अजिज मुसलमानको एकल इजलासले शुक्रबार अन्तरिम आदेश दिन अस्वीकार गर्दै विपक्षीका नाममा कारण देखाऊ आदेश जारी गरेको छ । विद्युत् प्राधिकरणको प्रबन्ध निर्देशकबाट आफूलाई बर्खास्त गर्ने सरकारको निर्णयविरुद्ध कुलमान रिट लिएर सर्वोच्च पुगेका थिए । यससँगै कुलमान तत्काल विद्युत् प्राधिकरण फर्किने सम्भावना टरेको छ ।

काठमाडौं । गणतन्त्रवादीर र राजावादीहरूले शुक्रबार काठमाडौंमा एकसाथ प्रर्दशन गर्दैछ । गणतन्त्रवादीहरूको प्रदर्शनको नेतृत्व चार दलीय समाजवादी मोर्चाले गर्दै छ भने राजावादीहरूको प्रदर्शनको नेतृत्व राजसंस्था पुनस्र्थापना संयुक्त जनआन्दोलन समितिले गर्दैछ । मेडिकल व्यवसायी दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’को ब्यानरमा पूर्वराजका समर्थकहरूले तीनकुनेमा प्रदर्शन गर्दै छन् । प्रजातन्त्र दिवसका दिन पूर्वराजा ज्ञानेन्द्र शाहले सन्देश दिएपछि राजावादीहरू राजतन्त्र पुनः फर्काउन सक्रिय भएका छन् । राजावादीहरू सक्रिय भएपछि गणतन्त्रवादीहरू त्यसको प्रतिकारमा उत्रन लागेका हुन् । त्यसैले उनीहरूले गणतन्त्रको पक्षमा प्रदर्शन गर्न लागेका हुन् । राजावादीहरू प्रदर्शनमा राप्रपा, राप्रपा नेपाललगायतका दल तथा केही राजा र हिन्दूवादी सङ्घसंस्थाहरूले पनि…

काठमाडौं । लमजुङ बेसिशहर नगरपालिका ११ चिति तिलाहरका एक युवकको उपचारका लागि सहयोगको याचना गरिएको छ । विगत ३,४ वर्षदेखि मानसिक रुपमा बिरामी भएका २१ वर्षीय मनोज बरालको उपचारका लागि सहयोगको याचना गरिएको हो । विपन्न परिवारका मनोजको उपचारका लागि परिवारले सहयोगको याचना गरेका छन् । मनोजकी आमा माया बराल(वि.क)ले भनिन्,‘छोराको उपचारका लागि ३,४ वर्षमा लाखौ रकम सकिएको छ । अझै चितवनमा उपचार भइ रहेको छ । उपचार खर्च अभावका कारण उपचार नै रोकिने अवस्थामा पुगेको छ ।’ मनोजको उपचारका लागि सहयोग गर्न चाहनुहुने महानुभावहरुले आमा माया बराल(वि.क)को फोन नं. ९७०२३८५३६६, अथवा बहिनी मनु बरालको लक्ष्मी सनराइज बैंकको खाता नम्बर…