Author: हाम्राे हेडलाइन

काठमाडौं । जिल्ला प्रहरी कार्यालय लमजुङले एकजना वडाध्यक्षसहित तीन जनालाई पक्राउ गरेको छ। पक्राउ पर्नेमा बेंसीसहर नगरपालिका वडा ९ का वडाध्यक्ष खुशीजङ गुरुङ रहेका छन्। त्यस्तै, बेंसीसहर ८ का विशाल अधिकारी र मोहन तामाङ पनि पक्राउ परेका छन्। जिल्ला प्रहरी कार्यालय प्रमुख प्रहरी नायब उपरीक्षक (डीएसपी) रेशम बोहराले उनीहरुलाई आइतबार बिहान पक्राउ गरिएको जानकारी दिए। प्रहरीले उनीहरुविरुद्ध पक्राउ पूर्जी जारी गरेको छ। अभद्र व्यवहार गर्न नहुने कसुरमा गत फागुन २५ गते मुद्दा दर्ता भएपछि उनीहरु फरार भएका थिए । आइतबार उनीहरु स्वयम् प्रहरी कार्यालयमा पुगेकोमा प्रहरीले नियन्त्रणमा लिएको थियो । उनीहरुविरुद्ध जिल्ला प्रशासन कार्यालयबाट ७ दिनको म्याद थप गरी अनुसन्धान…

काठमाडौं । इस्लाम धर्मावलम्बीहरूले आज इद इद–उल–फित्र मनाउँदै छन्। रमजान महिनाको ३० दिनको ‘रोजा’ व्रत आइतबार पूरा भएको थियो। उनीहरूले रोजा ब्रतपछि आज ‘इद–उल–फित्र’ मनाउन लागेका हुन्। केही मुस्लिमले ‘इद-उलफित्र’को नमाज मस्जिदमा त केहीले ‘इदगाह’मा सामूहिक भेला भइ दुई रिकात नमाज पढेर सम्पत्र गर्छन । नमाज पूरा गरेपछि एकअर्कालाई अङ्कमाल गरेर बधाई साटासाट गर्छन भने घरमा विभित्र परिकार पकाएर खाने गर्दछन् । रमजान महिना उर्दू पात्रोको अनुसार नवौं महिना हो। यो पर्वको ७०औं दिनमा बकरिद अर्थात ‘इदउलअजहा’ पर्व मनाउने गर्दछन् । यस अवसरमा मुस्लिमहरु ‘हज’ का लागि साउदी अरबको मक्का मदिना पनि जान्छन्। इद–उल–फित्रको अवसरमा राष्ट्रपति, उपराष्ट्रपति, प्रधानमन्त्री, सभामुख लगायत…

काठमाडौं । इस्लाम धर्मावलम्बीहरुको पर्व ईद (ईद उल फित्र)को अवसरमा भोलि सोमबार सरकारले सार्वजनिक विदा दिने निर्णय गरेको छ। ईद पर्वमा सार्वजनिक बिदा दिने नेपाल राजपत्रमा प्रकाशित सूचनाअनुसार सोमबार सार्वजनिक विदा दिने निर्णय भएको गृह मन्त्रालयले जनाएको छ।

काठमाडौं । काठमाडौंको तीनकुनेमा भएको हिंसात्मक प्रदर्शनपछि पक्राउ परेका ४१ जनामाथि अनुसन्धान गर्नका लागि ५ दिन म्याद थप भएको छ। राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्र, महामन्त्री धवलशमशेर जबरासहित ४१ जनालाई काठमाडौं प्रहरी परिसरले आइतबार म्याद थपका लागि अदालत पुर्‍याएको थियो। काठमाडौं जिल्ला अदालतका न्यायाधीश तारादेवी महर्जनको इजलासले उनीहरूमाथि अनुसन्धान गर्नका लागि ५ दिनको म्याद थप गरेको हो। पक्राउ परेका मिश्र, जबरा, धर्मुगुरू पुष्कर खतिवडासहित ११ जनालाई राजद्रोहको मुद्दामा अनुसन्धान हुनेछ। अन्यलाई संगठित अपराध, आपराधिक उपद्रव मुद्दामा अनुसन्धान हुनेछ। शुक्रबार प्रसाईंको प्रदर्शनलाई नवराज सुवेदी नेतृत्वको ‘संयुक्त जनआन्दोलन समिति’ ले समर्थन गरेको थियो भने राप्रपा र राप्रपा नेपालले पनि समर्थन…

काठमाडौं । संघीय संसदको दुवै सदनको बैठक सोमबार बिहान ११ बजेसम्मका लागि स्थगित भएका छन् । प्रतिनिधि सभा र राष्ट्रिय सभाको आइतबारको बैठक केहीबेर चलेर स्थगित भएको थियो । त्यसपछि सूचना टाँस गर्दै बैठकको समय सार्दै आइएको थियो । सभामुख देवराज घिमिरे र राष्ट्रिय सभा अध्यक्ष नारायणप्रसाद दाहालले संसदको गतिरोध अन्त्य गर्न पटक पटक सत्ता र विपक्षी दलका प्रमुख सचेतकहरूसँग छलफल गरेका थिए । साथै सभामुख घिमिरे र अध्यक्ष दाहालले आइतबार अपराह्न छलफल पनि गरेका थिए । उक्त छलफलपछि सोमबार बिहान ११ बजेसम्मका लागि प्रतिनिधि सभा र राष्ट्रिय सभा बैठक स्थगित गर्ने निर्णय भएको स्रोतको भनाइ छ । विद्युत् प्राधिकरणको…

काठमाडौं । नेपाल स्टक एक्सचेञ्जमा एक दशमलव ११ प्रतिशतको वृद्धि देखिएको छ। आज (आइतबार) नेपाल स्टक एक्सचेञ्ज (नेप्से) परिसूचक २९ दशमलव ८२ अङ्कले बढेर दुई हजार छ सय ९३ दशमलव १२ को बिन्दुमा कायम भएको हो। आज तीन सय २३ कम्पनीको एक करोड ५५ लाख ७२ हजार आठ सय ६२ कित्ता शेयर ७६ हजार तीन सय ५४ पटक खरिदबिक्री हुँदा सात अर्ब ५६ करोड ८२ लाख २६ हजार एक सय ९७ बराबरको कारोबार भएको नेप्सेले जनाएको छ। आज म्युचुअल फण्ड उपसमूहको उपसूचक शून्य दशमलव १५ र व्यापार समूह शून्य दशमलव २६ प्रतिशतले घटेको छ भने अरु सबै समूहको उपसूचक बढेको…

काठमाडौं । विभिन्न समयमा चोरी भएर अमेरिका पुगेका २१ वटा पुरातात्त्विक महत्वका मूर्ति सङ्ग्रहालयलाई हस्तान्तरण गरिएको छ । संस्कृति पर्यटन तथा नागरिक उड्डयनमन्त्री बद्री पाण्डेले पाटन सङ्ग्रहालय र राष्ट्रिय सङ्ग्रहालयलाई हस्तान्तरण गरेका हुन् । यस क्रममा मन्त्री पाण्डेले नेपालबाट चोरी भएर संसारको जुनसुकै कुनामा पुगेको भए पनि फिर्ता ल्याएरै छोड्ने बताए । उनले भने, हाम्रा सम्पदाहरू संसारको कुनै पनि कुनामा पुगोस्,नेपालीहरूले हाम्रा आफ्ना सम्पदाहरू चिन्छन् । त्यसको महत्त्व जान्दछन् र त्यसलाई फर्काएर ल्याउने कुरामा संसार भरी फैलिएका नेपालीहरूले योग्यता राख्दछन् ।नेपालको सम्बन्ध विश्वव्यापी भएको छ । चोरीका मूर्तिहरू नेपाल फर्काएछौं भन्ने सकारात्मक सन्देश दिन सफल भएका छौँ ।’ विगतमा नेपालका…

काठमाडौं । प्रहरीले खोजी गरिरहेका राजावादी आन्दोलनका नेतृत्वकर्ता दुर्गा प्रसाईंले आफू कहीँ नभागेको र काठमाडौंमै रहेको बताएका छन् । गत शुक्रबार तीनकुनेमा भएको आन्दोलनमा प्रहरीको सुरक्षा घेराअगाडिबाटै बलजफ्ती गाडी हुँइकाएर निस्किएका प्रसाईं त्यसयता सम्पर्कमा थिएनन् । आज आइतबार फेसबुकमा एक भिडिओ पोस्ट गर्दै आफूलाई मार्ने योजना बनेको थाहा पाएपछि आन्दोलन छाडेर निस्कनुपरेको स्पष्टीकरण दिएका छन् । आफू सुरक्षित मात्रै र बसेको कहीँ नभागेको उनको भनाइ छ । ‘मेरो कानको छेवैबाट गोली गयो । मैले कुरो बुझिसकेपछि, मेरै गाडीमा अश्रुग्यास उत्रिएपछि यस्तो भएको हो,’ प्रसाईंले भनेका छन्, ‘मलाई मार्ने योजना बुनेको थाहा पाएपछि प्रहरीको घेरा तोडेको हुँ ।’ उनले प्रहरीसँग माफी…

काठमाडौं । नेपाल विद्युत् प्राधिकरणको कार्यकारी निर्देशकबाट बर्खास्त कुलमान घिसिङको रिट हेर्न नमिल्नेमा राखिएको छ । सर्वोच्च अदालतमा कुलमानले दर्ता गरेको रिट हेर्न नभ्याइनेमा परेको हो । आइतबार घिसिङ र प्राधिकरणमा नवनियुक्त हितेन्द्रदेव शाक्यको रिट प्रधानन्यायाधीश प्रकाशमान सिंह राउत र न्यायाधीश सारंगा सुवेदीको संयुक्त इजलासमा परेको थियोे। तर सो इजलासले उनको रिट हेर्न नमिल्नेमा राखेकाे छ। यस्तै हितेन्द्रको रिट पनि हेर्न नमिल्नेमा राखिएको छ । शुक्रबार न्यायाधीश अब्दुल अजिज मुसलमानको इजलासले दुवै रिटका पक्ष र विपक्षलाई छलफलका लागि आज बोलाएको थियो।

काठमाडौं । काठमाडौं महानगरपालिकाले शुक्रबार तीनकुने क्षेत्रमा राजावादीको प्रदर्शनका क्रममा भएको क्षतिको कारबाहीस्वरुप पूर्वराजा ज्ञानेन्द्र शाहलाई आर्थिक जरिवाना तोकेको छ । सो जरिवानाको पत्र बुझाउन आइतबार बिहान निर्मलनिवास पुगेको टोली पत्र बुझाउन नपाई फर्केपछि अहिले सो पत्र हुलाकमार्फत पठाइएको छ । बिहान महानगर प्रहरी पत्र लिएर निर्मल निवास पुगेको थियो । तर, निर्मल निवासले सो पत्र बुझ्न मानेको थिएन । त्यसपछि महानगरले हुलाकमार्फत पत्र पठाएको हो । विभिन्न ८ शीर्षकमा ७ लाख ९३ हजार रुपैयाँ जरिवान गर्ने निर्णय महानगरले गरेको छ ।