नयाँ वर्षलाई स्वागत गर्दै आज तमु ल्होसार मनाइँदै

काठमाडौं । गुरुङ समुदायले आज (आइतबार) पुरानो वर्षलाई बिदाइ गरी नयाँ वर्षलाई स्वागत गरेर ‘तमु ल्होसार’ पर्व मनाउँदै छन्। तमु ल्होसारका अवसरमा आज सरकारले सार्वजनिक बिदा दिएको छ।
‘तमु ल्होसार’ पर्व सूर्यको किरणसँग सम्बन्धित छ। जसमा ‘ल्हो’ को अर्थ वर्ष र ‘सार’ को अर्थ फेरिने रहेको छ।
गुरुङ बाहुल्य रहेको गण्डकीका लमजुङ, गोरखा, तनहुँ, स्याङ्जा, मनाङ, कास्की, पर्वतलगायत जिल्लामा यो पर्व भव्यताका साथ मनाउने गरिन्छ।