आपसी सहमतिमा मन्त्रालय बाँडफाँट गर्ने चार दलको सहमति

काठमाडौं । सत्तारुढ चार दलबिच ८ बुँदे सहमति भएको छ । सरकार सञ्चालन, शान्ति प्रक्रिया, संघीयता कार्यान्वयन लगायतका विषयमा चार दलबिच ८ बुँदे सहमति भएको हो ।
सहमतिमा एमाले अध्यक्ष केपी शर्मा ओली, माओवादी अध्यक्ष पुष्पकमल दाहाल प्रचण्ड, रास्वपा सभापति रवि लामिछाने र जसपा अध्यक्ष उपेन्द्र यादवले हस्ताक्षर गरेका छन् । सहमतिमा राष्ट्रिय सभाको अध्यक्ष माओवादीले लिने र उपाध्यक्षमा एमाले उम्मेदवारलाई दिने उल्लेख छ ।
त्यस्तै सरकारमा सहभागी दलहरूबिच सहमतिमा मन्त्रालय बाँडफाँट गर्ने, शान्ति प्रक्रिया टुंगोमा पुर्‍याउने संघीयता कार्यान्वयनमा सम्बन्धित कानुन बनाउने, साझा न्यूनतम कार्यक्रम बनाउने र सरकार गठन गर्ने उल्लेख छ ।