नेपाल आयल निगमले पेट्रोलियम पदार्थको मूल्य बढाएको छ। निगमले सोमबार बिहान १ बजेदेखि लागू हुने गरी पेट्रोल, डिजेल र मट्टीतेलको नयाँ मूल्य निर्धारण गरेको हो।
निगमका अनुसार पेट्रोलको मूल्य प्रतिलिटर ३ रुपैयाँले वृद्धि गरिएको छ भने डिजेल तथा मट्टीतेलको मूल्य प्रतिलिटर ५ रुपैयाँले बढाइएको छ।
बढेको नयाँ मूल्य आइतबार राति १२ बजेदेखि देशभर लागू हुने निगमले जनाएको छ। यद्यपि, खाना पकाउने एलपी ग्यासको मूल्य भने हाललाई यथावत राखिएको छ।
अन्तर्राष्ट्रिय बजारको मूल्य र भारतीय आयल कर्पोरेसनबाट प्राप्त नयाँ खरिद मूल्यका आधारमा पेट्रोलियम पदार्थको मूल्य समायोजन गरिएको निगमले जनाएको छ। नयाँ मूल्य लागू भएसँगै सोमबारदेखि उपभोक्ताले पेट्रोल, डिजेल र मट्टीतेल खरिद गर्दा बढेको मूल्य तिर्नुपर्नेछ।
