काठमाडौं । सरकारले अतिरिक्त प्रहरी महानिरीक्षक (एआईजी) डा. मनोज केसीलाई नेपाल प्रहरीको महानिरीक्षक (आईजीपी) नियुक्त गर्ने निर्णय गरेको छ। आज बसेको मन्त्रिपरिषद् बैठकले केसीलाई प्रहरी संगठनको सर्वोच्च नेतृत्वमा नियुक्त गर्ने निर्णय गरेको हो।
मन्त्रिपरिषद् बैठकले वर्तमान प्रहरी महानिरीक्षक दानबहादुर कार्कीलाई पदबाट हटाएर प्रधानमन्त्रीको विशेष सुरक्षा सल्लाहकारको जिम्मेवारी दिने निर्णयसमेत गरेको छ।
सरकारको निर्णयसँगै डा. केसीले नेपाल प्रहरीको नेतृत्व सम्हाल्ने भएका छन्। प्रहरी नेतृत्व परिवर्तनसँगै संगठनको प्रशासनिक व्यवस्थापन, सुरक्षा रणनीति तथा कार्यसम्पादनमा नयाँ नेतृत्वको भूमिका महत्त्वपूर्ण रहनेछ।
