मंगलबार शेयरबजार सामान्य अंकले बढेको छ। नेपाल स्टक एक्सचेन्ज (नेप्से) परिसूचक ६.६२ अंकले वृद्धि हुँदै २६६४.१३ विन्दुमा बन्द भएको छ। आज नेप्सेमा सूचीकृत ३४९ कम्पनीका १ करोड ५४ लाख २० हजार ९२० कित्ता शेयर कारोबार हुँदा ५ अर्ब ६५ करोड रुपैयाँभन्दा बढीको कारोबार भएको छ।
९ समूहको परिसूचकमा हरियाली
आज कारोबारमा आएका १३ समूहगत परिसूचकमध्ये ९ समूहको परिसूचक बढेको छ भने ४ समूहको घटेको छ। होटल तथा पर्यटन समूह सर्वाधिक १.०७ प्रतिशतले बढेको छ।
बैंकिङ समूह ०.५२ प्रतिशत, विकास बैंक समूह ०.०६ प्रतिशत, हाइड्रोपावर समूह ०.३१ प्रतिशत, जीवन बीमा समूह ०.०९ प्रतिशत, माइक्रोफाइनान्स समूह ०.१३ प्रतिशत, म्युचुअल फण्ड समूह ०.०९ प्रतिशत, निर्जीवन बीमा समूह ०.१० प्रतिशत र व्यापार समूह ०.१५ प्रतिशतले बढेका छन्।
यता फाइनान्स समूह ०.०१ प्रतिशत, लगानी समूह ०.०४ प्रतिशत, उत्पादन तथा प्रशोधन समूह ०.०६ प्रतिशत र अन्य समूह ०.०२ प्रतिशतले घटेका छन्।
शिखर पावरको शेयर मूल्य सर्वाधिक बढ्यो
मंगलबार शिखर पावर डेभलपमेन्ट कम्पनीको शेयर मूल्य सर्वाधिक ५.९४ प्रतिशतले बढेको छ। कम्पनीको प्रतिकित्ता शेयर मूल्य ५३५ रुपैयाँ पुगेको छ।
त्यस्तै रिभर फल्स पावर कम्पनीको शेयर मूल्य ५.८० प्रतिशतले वृद्धि हुँदै प्रतिकित्ता ३८३ रुपैयाँ कायम भएको छ।
यता बेनी हाइड्रोपावरको शेयर मूल्य सर्वाधिक ५.०४ प्रतिशतले घटेको छ। कम्पनीको प्रतिकित्ता शेयर मूल्य ७६५ रुपैयाँ ५० पैसा कायम भएको छ। चिरख्वा हाइड्रोपावरको शेयर मूल्य ४.९४ प्रतिशतले घट्दै प्रतिकित्ता ४६० रुपैयाँमा सीमित भएको छ।
ग्लोबल आइएमई बैंकको सर्वाधिक कारोबार
मंगलबार कारोबार रकमका आधारमा ग्लोबल आइएमई बैंक शीर्ष स्थानमा रहेको छ। बैंकको प्रतिकित्ता २७२ रुपैयाँका दरले २३ करोड १४ लाख रुपैयाँ बराबरको शेयर कारोबार भएको छ। उक्त मूल्य अघिल्लो दिनको तुलनामा १.८३ प्रतिशतले बढी हो।
त्यस्तै बुटवल पावर कम्पनीको प्रतिकित्ता ७३६ रुपैयाँका दरले १९ करोड ४४ लाख रुपैयाँ बराबरको शेयर कारोबार भएको छ।
समग्रमा मंगलबार शेयरबजारमा सामान्य वृद्धि देखिएको छ। नौ समूहको परिसूचकमा वृद्धि हुँदा होटल तथा पर्यटन समूहले सबैभन्दा बढी सकारात्मक प्रदर्शन गरेको छ।
