काठमाडौं । नेपाल प्रिमियर लिग (एनपीएल) को तेस्रो संस्करणमा सुदूरपश्चिम रोयल्सले दोस्रो जित निकालेको छ । सोमबार कीर्तिपुरस्थित त्रिवि क्रिकेट मैदानमा भएको खेलमा चितवन राइनोजलाई ५ विकेटले पराजित गर्दै सुदूरपश्चिमले प्रतियोगितामा दोस्रो जित दर्ता गरेको हो ।
चितवनले दिएको १३० रनको लक्ष्य सुदूरपश्चिमले १६.१ ओभरमा ५ विकेट गुमाएर पूरा गर्यो ।
सुदूरपश्चिमको जितमा ब्रान्डन म्याकमुलेनले आक्रामक ब्याटिङ गरे । उनले २१ बलमा ६ चौका र २ छक्कासहित ४३ रन बनाए । त्यस्तै, इशान पाण्डेले २९ बलमा २५ रनको योगदान दिए ।
