विज्ञापन संघले मनायो ३३ औँ वार्षिकोत्सव

काठमाडौं । नेपाल विज्ञापन संघ (आन) ले आफ्नो ३३ औँ वार्षिकोत्सव मनाएको छ। ‘सिजनशील र मर्यादित विज्ञापन बजार उद्योग व्यवसायको दरिलो आधार’ भन्ने नाराका साथ वार्षिकोत्सव मनाएको हो ।
संघको केन्द्रीय कार्यालय शान्तिनगरमा प्रभातफेरीसहित ४६ पिन्ट रक्तदान गरी कार्यक्रम दिवस मनाइएको हो।
शान्तिनगरबाट शुरु भएको प्रभातफेरी कार्यक्रम शहरका विभिन्न क्षेत्रलाई परिक्रमा गरी पुनः केन्द्रीय कार्यालय शान्तिनगरमा कोण सभामा परिणत भएको थियो ।
कार्यक्रमलाई संघका अध्यक्ष सोमप्रसाद धितालले सम्बोधन गर्दै सृजनशील र मर्यादित विज्ञापन बजारले नै सम्पूूर्ण सञ्चारमाध्यम, विज्ञापनदाता र विज्ञापनकर्मीको हित हुने बताए।
कार्यक्रमलाई संघका वरिष्ठ उपाध्यक्ष नारायण कुमार श्रेष्ठ र कार्यक्रम संयोजक कृष्णमुरारी लामिछानेले सम्बोधन गरे।
कार्यक्रममा वरिष्ठ कलाकार, पत्रकार, विज्ञापनदाता र विज्ञापनकर्मीहरु सहभागी थिए।