Author: हाम्राे हेडलाइन

काठमाडौं । संसद्का विपक्षी दलहरूले गृहमन्त्री रमेश लेखकको राजीनामा मागेका छन् । प्रतिनिधिसभाको सोमबारको बैठकमा प्रमुख प्रतिपक्षी दल नेकपा माओवादी केन्द्रसहित विपक्षी दलहरूले राजीनामा मागेका हुन् । सभामुख देवराज घिमिरेले बैठकको आजको कारबाही प्रारम्भ हुन्छ भनेबित्तिकै विपक्षी दलका सांसदहरू उठेर अवरोध गरेका थिए । त्यसपछि सभामुखले प्रमुख प्रतिपक्षी दलका सांसद वर्षमान पुनलाई बोल्न दिएका थिए । पुनले सञ्चारमाध्यममा मात्र नभई घरघरमा त्रिभुवन अन्तर्राष्ट्रिय विमानस्थलमा भिजिट भिसाको नाममा करोडौं असुलेर मानव तस्करी गरिएको विषयको चर्चा भइरहेको बताए । विपक्षी दलको विरोध पछि सभामुख देवराज घिमिरेले आधा घण्टाका लागि संसद् बैठक स्थगित गरेका छन् ।

काठमाडौं । पृथ्वी राजमार्ग स्थित धादिङको गल्छीमा पुरानो पुलको भाग धस्सिएपछि दुईतर्फ सवारी अवरुद्ध भएको छ । थाक्रे गाउँपालिका–७ स्थित सोताङ खोला पुलको भाग धस्सिएको राजमार्ग सुरक्षा तथा ट्राफिक व्यवस्थापन कार्यालय, रामनगरका एसपी नरेश सुवेदीले बताए । पृथ्वी राजमार्ग हुँदै चल्ने ठुला सवारी साधन सो पुल हुँदै चल्न रोक लगाइएको छ । काठमाडौँतर्फ जाने ठुला सवारीलाई डाइभर्ट गरेर गल्छी हुँदै पठाइएको एसपी सुवेदीले जानकारी दिए । सोताङ खोलामा पुराना पुलसँगै नयाँ पुलको निर्माण कार्य हुँदै छ । निर्माण कार्य गर्दा थर्किएर पुरानो पुलेको भाग धस्सिएको आकलन गरिएको छ ।

काठमाडौं । आफ्नै रेकर्ड ब्रेक गर्दै आरोही कामीरिता शेर्पाले आज शुक्रबार ३१औँ पटक विश्वको सर्वोच्च शिखर सगरमाथाको सफल आरोहण गरेका छन् । उनले बिहान चार बजे ३१ औँ पटक सगरमाथाको आरोहण गरेका हुन् । गतवर्ष ३० औँ पटक सगरमाथाको सफल आरोहण गरेर विश्व रेकर्ड कायम गरेका उनले आज आफ्नै रेकर्डलाई ब्रेक गरेका हुन् । उनले गत वर्ष १० दिनकै फरकमा दुईपटक सगरमाथा आरोहण गरेका थिए।  ‘एभरेस्ट म्यानले फेरि गर्‍यो चमत्कार ! ३१ औँ पटक सगरमाथा आरोहण,’ सेभेन समिट ट्रेक्सका सञ्चालक छाङ दावा शेर्पाले सामाजिक सञ्जाल फेसबुकमा लेखेका छन्, ‘इतिहासमै सबैभन्दा धेरै पटक सगरमाथा आरोहणको कीर्तिमानी ५५ वर्षीय कामीरिता शेर्पालाई ३१…

काठमाडौं । राष्ट्रिय स्वतन्त्र पार्टी (रास्वपा) संसदीय दलको बैठकले गृहमन्त्री रमेश लेखक जोडिएको भिजिट भिसा प्रकरणमा संसद्मा सँगसँगै उभिन नेकपा माओवादी केन्द्र र राष्ट्रिय प्रजातन्त्र पार्टी (राप्रपा) लाई आह्वान गर्ने निर्णय गरेको छ । सोमबार सिंहदरबारमा बसेको रास्वपा संसदीय दलको बैठकले प्रतिनिधिसभा बैठकमा गृहमन्त्री लेखकलाई घेर्ने रणनीति लिँदै माओवादी र राप्रपालाई सँगसँगै लैजाने तयारी गरेको छ । यसअघि रास्वपा केन्द्रीय समिति बैठकले छानबिनका लागि गृहमन्त्री लेखकले राजीनामा दिनुपर्ने माग गरेको छ । रास्वपा सभापति रवि लामिछाने गृहमन्त्री भएका बेला सहकारी ठगी विवाद चर्किंदा कांग्रेसको तर्फबाट लेखकले लामिछानेको राजीनामा मागेका थिए । रास्वपा कार्यबाहक प्रवक्ता मनिष झाले भने, ‘प्रचण्ड र लिङ्देनको…

काठमाडौं । लमजुङ बेसिशहर नगरपालिका-६ खरखरे मालेबगरस्थित मर्स्याङ्दी नदीमा नुहाउने क्रममा बेपत्ता युवकको शव फेला परेको छ। सप्तरीको शम्भुनाथ नगरपालिका १२ का २४ वर्षीय नन्दकिशोर चौधरीको शव साेमबार सशस्त्र प्रहरीको टोलीले फेला पारेकाे हाे । आश्रित गुल्म लमजुङबाट सशस्त्र प्रहरी नायव उपरीक्षक दिपक पुरीको कमाण्डमा खटिएको विपद् व्यवस्थापन तालिम प्राप्त टोलीले नदीकोबीच भागमा शव फेला पारेको हो। नदीको बहाव धेरै भएको हुनाले जिल्ला प्रशासन कार्यालय लमजुङ र जलविद्युत कम्पनीसँग आवश्यक समन्वय गरी शव बाहिर निकाल्ने प्रयास भइरहेको बताइएकाे छ ।

काठमाडौं । राष्ट्रिय मानवअधिकार आयोगले उत्तेजनापूर्ण अभिव्यक्ति नदिन प्रधानमन्त्री केपी शर्मा ओलीलाई आग्रह गरेको छ । प्रधानमन्त्री ओलीले ‘जेठ १५ गते ११ बजेदेखि २ बजेसम्म काठमाडौं नेकपा एमालेको नियन्त्रण हुनुपर्छ’ भनेर दिएको अभिव्यक्तिप्रति गम्भीर ध्यानाकर्षण भएको जनाउँदै आयोगले चिन्ता व्यक्त गरेको छ । ‘देशमो शान्ति सुुरक्षा र अमनचयन कायम गर्ने जिम्मेवारी सरकारका सुरक्षा निकायको हुँदाहुँदै लोकतान्त्रिक मुलुकमा कुनै पनि पार्टी विशेषबाट कुनै पनि क्षेत्र कब्जामा लिनु भनेको विधिको शासन विपरीत हुनुका साथै निषेधलाई प्रश्रय दिनु हो भन्ने आयोगको बुझाइ छ । शान्तिपूर्ण तवरबाट विचार र अभिव्यक्ति राख्न नेपालको संविधान र कानूनले निषेध गरेको छैन । यस परिस्थितिमा अरुको विचार, अभिव्यक्ति र…

काठमाडौं । हुम्लाको तिलगाउँको बाढीको अध्ययन गर्न गएको विज्ञ टोलीले तीन हिमताल फेला पारेको छ । जिल्लाको नाम्खा गाउँपालिका-६, तिलगाउँमा गएको बाढी पहिरोको अध्ययन गर्न गएको प्राविधिक टोलीले ५ हजार ३ सय ५० मीटरमा रहेको हिमताल भएको स्थानसम्म पुगेर अध्ययन गरेको थियो । यसअघि दुईवटा हिमताल देखिएको स्थानमा तीनवटा ताल भेटिएको अध्ययन टोलीका सदस्य शिवकुमार बास्कोटाले जानकारी दिए । अध्ययन टोलीमा राष्ट्रिय विपद् जोखिम न्यूनीकरण तथा व्यवस्थापन प्राधिकरणका सिनियर डिभिजनल इन्जिनियर सुशील कुमार श्रेष्ठ, खानी तथा भूगर्भ विभागका सिनियर डिभिजनल जियोलोजिष्ट शिवकुमार बास्कोटा र जल तथा मौसम विज्ञान विभागका हाइड्रोलोजिष्ट सौहाद्र जोशी छन् । जेठ १ गते स्थानीय खोलामा आएको…

काठमाडौं । नेसपाका नेता गंगानारायण श्रेष्ठ १० वर्षपछि माओवादीमा फर्किएका छन्। उनी आज पार्टी समायोजनमार्फत् प्रचण्ड नेतृत्वको नेकपा माओवादी केन्द्रमा फर्किएका हुन्। २०७२ असोज ९ गते डा. बाबुराम भट्टराईसँगै श्रेष्ठ पनि माओवादीबाट अलग भएका थिए। ललितपुरको ग्वार्कोस्थित कान्तिपुर ब्यांक्वेटमा प्रचण्ड र श्रेष्ठले पार्टी समायोजन सम्बन्धी दस्तावेजमा हस्ताक्षर गरे। माओवादी र महिन्द्रराय यादव नेतृत्वको नेसपाबीच २०८० जेठ ३ गते पार्टी एकता गर्ने लिखित सहमति भएको थियो। तर एकताका लागि यादवले तत्परता नदेखाएको भन्दै पार्टी एकता कार्यदलका सदस्य श्रेष्ठ अघि बढेर आज माओवादी केन्द्रमा फर्किएका हुन्। उनले नेसपाका २९ जना केन्द्रीय कार्यकारिणी सदस्यमध्ये १७ जना र १६० जना केन्द्रीय समिति सदस्यमध्ये ९९…

काठमाडौं । नेकपा माओवादी केन्द्रले भिजिट भिसा प्रकरणमा गृहमन्त्री रमेश लेखकको राजीनामा माग गरेको छ । पार्टी अध्यक्ष प्रचण्ड निवास खुमलटारमा सोमबार बसेको माओवादी पदाधिकारी बैठकले भिजिट भिसा प्रकरणमा छानबिनका लागि गृहमन्त्री लेखकले राजीनामा दिएर मार्ग प्रशस्त गर्नुपर्ने निष्कर्ष निकालेको हो । बैठकपछि माओवादी प्रवक्ता अग्नि सापकोटाले गृहमन्त्रीले तुरुन्त राजीनामा दिएर छानबिनलाई सहयोग गर्नुपर्ने निष्कर्ष निकालेको बताए । उनले राज्यका निकायहरूले छानबिन नै सुरु गरिसकेको अवस्थामा शक्तिको दुरुपयोग हुन नदिनका लागि पनि गृहमन्त्रीले राजीनामा दिनुपर्ने जिकिर गरे । गृहमन्त्रीले राजीनामा दिन ढिला गरे राज्यको साख गिर्दै जाने उनको भनाइ थियो । त्यस्तै पदाधिकारी बैठकले मध्यपहाडी लोकमार्ग केन्द्रित अभियान सफल भएको…

काठमाडौं । सुनको मूल्य घटेको छ। नेपाल-सुन चाँदी व्यवसायी महासंघका अनुसार आज ७ सय रुपैयाँले घटेर एक तोला सुनको मूल्य १ लाख ९१ हजार १०० रुपैयाँ कायम भएको छ। अघिल्लो दिन आइतबार ४ सय रुपैयाँले बढेर प्रतितोला सुनको मूल्य १ लाख ९१ हजार ८०० रुपैयाँ पुगेको थियो। यसैगरी चाँदीको मूल्य भने स्थिर रहेको छ। आइतबार प्रतितोला २ हजार ५ सय रुपैयाँमा कारोबार भएकोमा आज पनि सोही मूल्य खरिदबिक्री भइरहेको महासंघले जनाएको छ।