Author: हाम्राे हेडलाइन

काठमाडौं । निजामती कर्मचारी सङ्गठनहरूको संयुक्त ट्रेड युनियनले ११ बुँदे मागसहित राज्य व्यवस्था तथा सुशासन समितिलाई ज्ञापन पत्र बुझाएको छ । शुक्रवार सिंहदरबारमा उनीहरूले कर्मचारीका आधारभूत मागहरूलाई सम्बोधन गर्दै तत्काल सङ्घीय निजामती सेवा ऐन ल्याउन माग गर्दै समिति सभापति रामहरि खतिवडालाई ज्ञापन पत्र बुझाएका हुन् । ज्ञापन पत्र बुझ्दै सभापति खतिवडाले राज्यको स्रोत र साधनले भ्याएसम्म कर्मचारीहरूका सुविधाहरूलाई व्यवस्थित गर्नेगरी कानुन ल्याइने प्रतिबद्धता व्यक्त गरे । उनले वर्तमान व्यवस्था र संविधान निर्माणमा कर्मचारीहरूको उल्लेखनीय भूमिका रहेको बताउँदै यसको संरक्षण अझ महत्त्वपूर्ण भूमिका हुने विश्वास व्यक्त गरे । उनले कर्मचारीहरूको हितमा गर्न सकिने काम गर्ने विश्वास समेत दिलाए ।

काठमाडौं । काठमाडौँ । सञ्चार तथा सूचना प्रविधि मन्त्रालयले विज्ञापन बोर्डको अध्यक्ष पदका लागि आवेदन आह्वान गरेको छ । आज एक सूचना प्रकाशित गर्दै मन्त्रालयले योग्यता पुगेका नेपाली नागरिकले दरखास्त दिन सक्ने जानकारी दिएको हो । आवेदन दरखास्त पेस गर्ने अन्तिम दिनसम्म उमेर ३५ वर्ष पूरा भएको, आमसञ्चार, कानुन, विज्ञापन वा व्यवस्थापन विषयमा मान्यता प्राप्त विश्वविद्यालयबाट कम्तीमा स्नातक उपाधि हासिल गरेको र सो क्षेत्रमा कम्तीमा दस वर्षको अनुभव प्राप्त गरेको हुनुपर्ने सूचनामा उल्लेख छ । योग्यता पुगेका इच्छुक व्यक्तिले आवश्यक कागजातसहित मन्त्रालयमा दरखास्त पेस गर्न सक्नेछन् ।

काठमाडौं । गृहमन्त्री रमेश लेखकले विपद्का अवस्थामा तत्काल उद्धार तथा राहत सामग्री सहज रूपमा उपलब्ध गराउने उद्देश्यले निर्माण गरिएको प्रादेशिक आपतकालीन गोदामघर गण्डकी प्रदेशलाई औपचारिक रूपमा हस्तान्तरण गरेका छन् । उक्त गोदामघर आपतकालीन अवस्था तथा विपद् व्यवस्थापनमा तत्काल प्रभावकारी राहत पु-याउने उद्देश्यले स्थापना गरिएको हो। गृहमन्त्री लेखकले विपद्को बेलामा जनताको जीवनरक्षा प्राथमिकता भएको भन्दै राहत प्रणालीलाई प्रभावकारी बनाउन प्रदेश सरकारसँग सहकार्य आवश्यक रहेको बताएका छन् ।

काठमाडौं । कपिलवस्तुको शुद्धोधन गाउँपालिकाका अध्यक्ष कमलेशशरण चौधरीलाई लक्षित गरी गोली प्रहार भएको छ । अध्यक्ष चौधरीलाई लक्ष्य गरी बिहीबार राति साढे ११ बजे गोली प्रहार भएको हो । चौधरीको निवासमा उनलाई नै लक्षित गरेर गएराति गोली प्रहार भएको जिल्ला प्रहरी कार्यालय कपिलवस्तुका प्रवक्ता डिएसपी मोहनमणि अधिकारीले जानकारी दिए । राति विद्युत् गएको समयमा चौधरीलाई शौचालय गएर फर्कने क्रममा गोली प्रहार भएको हो । गोली भित्तामा लागेको छ भने घटनास्थलमा पेस्तोलमा प्रयोग हुने गोलीको खोका भेटिएको छ । घटनाबारे थप अनुसन्धान भइरहेको डिएसपी अधिकारीले जानकारी दिए ।

काठमाडौं । राष्ट्रिय स्वतन्त्र पार्टी (रास्वपा) ले प्रदेश इन्चार्ज तोकेको छ । बिहीबारको केन्द्रीय समिति बैठकले प्रादेशिक कमिटीहरूलाई अझै सशक्त बनाउन प्रदेश इन्चार्ज तोकेको छ । बैठकले जिल्ला कमिटीलाई अझै धेरै सक्रिय बनाउने उद्देश्य लिएको छ । रास्वपाले कोशी प्रदेश इन्चार्जमा सन्तोष परियार, मधेश प्रदेश इन्चार्जमा मनिष झा, बागमती प्रदेश इन्चार्जमा लिमा अधिकारी, गण्डकी प्रदेश इन्चार्जमा शिशिर खनाल, लुम्बिनी प्रदेश इन्चार्जमा विपिनकुमार आचार्य, कर्णाली प्रदेश इन्चार्जमा गणेश पराजुली र सुदूरपश्चिम इन्चार्जमा हरि ढकाललाई जिम्मेवारी तोकेको छ । बैठकले महाधिवेशनको नयाँ मिति तोकेको छ । २०८२ असोजसम्ममा वडा अधिवेशन, कात्तिकसम्ममा पालिका अधिवेशन, मंसिरसम्ममा जिल्ला अधिवेशन, माघ १५ गतेसम्ममा प्रदेश अधिवेशन सम्पन्न…

काठमाडौं । स्वास्थ्य मन्त्रालयले सम्पर्कमा नआएको भएकाे भन्दै लमजुङका आठ एम्बुलेन्सको दर्ता खारेज गरेको छ। मन्त्रालयले जिल्ला एम्बुलेन्स व्यवस्थापन समिति, गण्डकी प्रदेश स्वास्थ्य मन्त्रालयलाई पत्र पठाउँदै खारेजीकाे सूचना दिएकाे हाे। पत्रमा भनिएअनुसार गत भदौ ३१ गते जिल्ला एम्बुलेन्स व्यवस्थापन समिति लमजुङको बैठकबाट सम्पर्कमा नआएका आठ वटा एम्बुलेन्स खारेजी गरिएको हो। पत्रमा भनिएकाे छ, ‘मिति २०८१ भदाैं ३१ गतेको पत्र तथा जिल्ला एम्बुलेन्स व्यवस्थापन समिति लमजुङको मिति २०८१ भदाैं ३१ गतेको बैठकबाट सम्पर्कमा नआएका ८ वटा एम्बुलेन्स खारेजीका लागि राष्ट्रिय एम्बुलेन्स निर्देशिका, २०७८ को दफा १७ बमोजिम सल्लाह–सुझाव प्राप्त भएको विपयमा यस मन्त्रालयका श्रीमान् सचिवज्यूको अध्यक्षतामा बसेको राष्ट्रिय निर्देशक समितिको मिति…

काठमाडौं । नेपाल प्रहरीका ६ जना प्रहरी नायव महानिरीक्षक(डिआइजी) लाई प्रहरी अतिरिक्त महानिरीक्षक(एआइजी) मा बढुवा सिफारिस गरिएको छ। बिहीबार बसेको बढुवा समितिको बैठकले ६ जनालाई एआईजीमा बढुवा गर्न सिफारिस गरेको हो। बढुवा हुनेमा चन्द्र कुबेर खापुङ, लालमणि आचार्य, कृष्णहरि शर्मा, दान बहादुर कार्की, राजन अधिकारी र डा.मनोजकुमार केसी रहेका छन् ।

काठमाडौं । एन्फा पूर्वअध्यक्ष गणेश थापालाई फिफाले लगाएको १० वर्षे प्रतिबन्ध फुकुवा भएको छ। २०१५ अप्रिल १६ मा उनलाई फिफाले प्रतिबन्ध लगाएको थियो। जुन २०२५ अप्रिल १५ मा सकिएको उनले एक प्रेस विज्ञप्तिमार्फत जानकारी दिएका छन् । उनले १० वर्ष प्रतिबन्धमा रहँदा निकै चुनौतीहरू आएको उल्लेख गरे । विज्ञप्तिमा थापाले लेखेका छन्,‘यो यात्रा चुनौतीपूर्ण थियो। तर यस अवधिमा मेरो परिवार, साथीहरू, शुभचिन्तकहरू र समस्त फुटबल प्रेमीहरूको सहयोग र अटल समर्थनको लागि धन्यवाद ।’ उनले विज्ञप्तिमा नेपाली फुटबलमा साथ र सहयोग सदैव रहने उल्लेख गरेका छन् ।

काठमाडौं । केही समय यता नेपाली बजारमा धेरै किसिमका सिरियलहरु बनेका छन्। यस भन्दा अघि देखिएको र देखाइएको कथा वस्तुहरूभन्दा फरक तर समाजको एउटा वर्गले भोगिरहेको शोषण नयाँ सिरियल टुहुरी नातिनीमा देखाउन खोजिएको छ । यस सिरियलका निर्माता हुन् सुरेन्द्र खड्का । उनले नेपालमा भविष्य सुरक्षित बनाउन कल कारखाना संचालन गरे, नाम चिनीएका ठुला निर्देशकहरू संग सहकार्य गरे, चलचित्रमा समेत अभिनय गरेर छुट्टै आफ्नै पहिचानसहित नयाँ सिरियल लिएर आएका छन् । टुहुरी नातिनी सिरियलको कथा वस्तु नबिन श्रेष्ठले तयार पारेका हुन् । धेरै म्युजिक भिडियो निर्देशन गरिसकेका उनले लेखन, निर्देशन, छायांकन सम्पादन समेत गर्छन् । कथाले मागेका र कथालाई न्याए…

काठमाडौं । राष्ट्रिय प्रजातन्त्र पार्टी (राप्रपा)ले वैशाख ७ गते निषेधित क्षेत्रमा प्रदर्शन गर्ने निर्णय गरेको छ । बिहीबारको कार्यसम्पदान समितिको बैठकको निर्णय सुनाउँदै राप्रपाका अध्यक्ष राजेन्द्र लिङ्देनले निषेधित क्षेत्रमा प्रदर्शन गरिने बताए । उनले सरकारले शान्तिपूर्ण प्रदर्शन गर्न पाउने मौलिक अधिकार संकुचित गरेको आरोप समेत लगाए । बैठकले उपत्यकामा वडा तहसम्म पुग्ने र संगठनलाई मजबुत बनाउने निर्णय गरेको छ । चैत १५ गते तीनकुने घटनामा पक्राउ परेका पार्टीका नेताहरू रवीन्द्र मिश्र र धवलशमशेर राणासहितलाई रिहाइ गर्न माग गर्ने निर्णय पनि बैठकले गरेको छ ।