दोर्दी गापामा कृषकलाई बेमौसमी तरकारी खेती सम्बन्धी तालिम शुरु

काठमाडौं । कृषिशाखा दोर्दी गापा लमजुङको आयोजनामा बेमौसमी तरकारी खेती सम्बन्धी ५ दिने कृषक स्तर तालिम शुरु भएको छ । दोर्दी गाउँपालिका अध्यक्ष युवराज अधिकारीको प्रमुख आथित्यता एवम् कार्यपालिका सदस्य तथा आर्थिक बिकास संयोजक लाल माया मिजारको अध्यक्षतामा उद्घाटन सत्र सम्पन्न भएको हो ।
उक्त तालिम ५ दिन सम्म संचालन हुनेछ भने तालिममा विशेष गरि बेमौसमी रुपमा उत्पादन गरिने खेतीको बारेमा प्रशिक्षण दिइने छ । यस कृषक स्तर तालिमको प्रशिक्षकमा मर्स्याङदी बीच एग्रोफाट बेसिशहर–१०,खासुरका इन्द्र घले रहेका छन् भने तालिममा ३० जना कृषकको सहभागीता रहेको छ। उद्घाटन कार्यक्रमको सहजीकरण कृषि एकाई प्रमुख निराजन पौडेलले गरहेका थिए ।