Author: हाम्राे हेडलाइन

काठमाडौं । संघीय निजामती सेवा विधेयकमा भएको जालझेलको चर्चा चुलिंदै जाँदा संसदको राज्य व्यवस्था तथा सुशासन समितिले महत्वपूर्ण निर्णय गरेको छ। समितिले बुधबार बसेको बैठकमा दफा ८२ मा थप गरिएको उपदफा (५) हटाउन राष्ट्रिय सभालाई अनुरोध गर्ने निर्णय गरेको हो। सभापति रामहरी खतिवडाका अनुसार, विधेयकको दफा ८२ मा उल्लेख गरिएको कुलिङ पिरियडसम्बन्धी व्यवस्थालाई समितिले पास गरेको भावना विपरित उपदफा थपिएको भन्दै त्यसलाई हटाउने व्यवस्था मिलाउन अनुरोध गर्ने निर्णय गरिएको हो। “कुलिङ पिरियडसम्बन्धी समितिको भावना अनुसार प्रतिवेदनको बुँदा ४३ लाई आवश्यक संशोधन गर्ने व्यवस्था मिलाईदिनुहुन राष्ट्रिय सभालाई हार्दिक अनुरोध गर्ने निर्णय गरियो,” खतिवडाले बैठकपछि जानकारी दिए। समितिले प्रतिवेदन तयार गर्ने क्रममा…

काठमाडौँ । पूर्वराष्ट्रपति विद्यादेवी भण्डारीले पूर्वराष्ट्रपतिको हैसियतमा प्राप्त सबै सरकारी सेवा र सुविधा त्यागेकी छन्। बुधबार उनले गृह मन्त्रालयमा सेवा–सुविधा नलिने निर्णयसहितको पत्र बुझाएकी हुन्। भण्डारीको स्वकीय सचिवालयमार्फत उक्त पत्र गृह मन्त्रालयमा दर्ता गरिएको हो। भण्डारीले पत्रमा असार १८ गतेबाटै सेवा सुविधा नलिने निर्णय लागू हुने उल्लेख गरेकी छन्। उनले पाउने सुविधामा आवास, सवारी साधन, इन्धन, सचिवालय खर्चलगायतका सेवा सामेल छन्। गत शनिबार मात्रै भण्डारीले नेकपा (एमाले) को सक्रिय राजनीतिमा पुनः फर्किएको घोषणा गरेकी थिइन्। ‘जबजका तीन दशक’ विषयक राष्ट्रिय गोष्ठीमा उनले सामाजिक–आर्थिक रूपान्तरण, सुखी जनता र समुन्नत नेपाल निर्माण गर्ने दायित्व अझै अधुरो रहेको उल्लेख गर्दै सक्रिय राजनीतिमा फर्किएको…

काठमाडौँ । नेकपा (एकीकृत समाजवादी) ले पार्टी अध्यक्ष माधवकुमार नेपालविरुद्ध सार्वजनिक टिप्पणी गरेकी नेतृ रामकुमारी झाँक्रीलाई स्पष्टीकरण सोधेको छ। पार्टीको अनुशासन आयोगले बुधबार झाँक्रीलाई तीन दिनभित्र लिखित जवाफ दिन निर्देशन दिएको हो। केही दिनअघि बुटवलमा आयोजित एक कार्यक्रममा झाँक्रीले अध्यक्ष नेपाललाई लक्षित गर्दै “अब सिनो बोकेर हिँड्न सकिन्न” भन्दै अर्ली महाधिवेशनमार्फत नेतृत्व परिवर्तनको आवश्यकता रहेको अभिव्यक्ति दिएकी थिइन्। उनको अभिव्यक्तिपछि पार्टीभित्र तीव्र प्रतिक्रिया आएको थियो। पार्टी केन्द्रीय कार्यालयले विज्ञप्ति जारी गर्दै नेताहरूलाई सार्वजनिक रूपमा पार्टी नेतृत्वविरुद्ध अभिव्यक्ति नदिन निर्देशनसमेत दिएको थियो। तर झाँक्रीले सार्वजनिक मंचमा पुनः कडा टिप्पणी गरेपछि पार्टी अनुशासन आयोगले औपचारिक रूपमा उनलाई स्पष्टीकरण सोधेको हो। पार्टी स्रोतका…

काठमाडौँ । राष्ट्रपति रामचन्द्र पौडेलसँग देशका सातै प्रदेशका प्रदेश प्रमुखहरूले शिष्टाचार भेट गरेका छन्। बुधबार बिहान राष्ट्रपति भवन, शीतल निवासमा आयोजित भेटका क्रममा प्रदेश प्रमुखहरूले आ-आफ्नो प्रदेशको अवस्था र हालको समसामयिक परिस्थितिबारे जानकारी गराएका छन्। शिष्टाचार भेटमा सहभागी प्रदेश प्रमुखहरूमा कोशी प्रदेशका परशुराम खापुङ, मधेस प्रदेशकी सुमित्रा सुवेदी भण्डारी, बागमती प्रदेशका दीपकप्रसाद देवकोटा, गण्डकी प्रदेशका डिल्लीराज भट्ट, लुम्बिनी प्रदेशका कृष्णबहादुर घर्तीमगर, कर्णाली प्रदेशका यज्ञराज जोशी र सुदूरपश्चिम प्रदेशका नजिर मियाँ रहेका छन्। राष्ट्रपति कार्यालयका अनुसार भेटका क्रममा संघीयता सुदृढीकरण, समन्वय, स्थानीय प्रशासनको भूमिकासहित प्रदेशको विकास, सुशासन र सेवाप्रवाहका विविध पक्षमा छलफल भएको थियो। राष्ट्रपति पौडेलले प्रदेश प्रमुखहरूलाई संविधानको मर्म अनुसार…

लमजुङ । मनसुनको जोखिम बढ्दै गएपछि बेसिशहर–चामे सडकखण्डमा रातिको समयमा सवारी सञ्चालनमा रोक लगाइएको छ। मनाङ र लमजुङ जिल्ला सुरक्षा समितिको संयुक्त निर्णय अनुसार असार २० गतेदेखि रातिको समयमा सवारीसाधन चलाउन नपाइने व्यवस्था गरिएको हो। लगातारको वर्षाका कारण पहिरो, सडक भासिने तथा अन्य दुर्घटनाको सम्भावना बढेकाले रातिको समय सवारी आवागमन जोखिमपूर्ण हुने भन्दै रोक लगाइएको सुरक्षा समितिले जनाएको छ । प्राकृतिक विपद्को जोखिम न्यूनीकरण तथा यात्रुहरूको सुरक्षा सुनिश्चित गर्न यो निर्णय गरिएको हो ।

काठमाडौं ।  श्रम, रोजगार तथा सामाजिक सुरक्षामन्त्री शरत्सिंह भण्डारीले कानुनी छिद्र प्रयोग गरेर वैदेशिक रोजगारीमा ठगी गर्नेलाई कानुनी दायरामा ल्याइने बताएका छन्। सुरक्षित आप्रवासन (सामी) कार्यक्रमद्वारा आज ललितपुरमा आयोजित तेस्रो चरणको सिकाइ तथा अनुभव आदानप्रदान कार्यक्रमको उद्घाटनका अवसरमा मन्त्री भण्डारीले अहिले पनि वैदेशिक रोजगार विभागमा ३६ हजार ठगीका मुद्दा रहेकाले ऐन संशोधन गरेर मुद्दा फछ्र्यौटलाई सहज बनायने बताएका हुन्। “अहिलेकै कानुनअनुसार हुने हो भने सबै मुद्दा टुङ्गोमा पुग्न २५ वर्ष लाग्छ, त्यसकारण ऐन संशोधन गर्ने पक्षमा छौँ, वैदेशिक रोजगार न्यायाधिकरणको पक्षमा छौँ, जिल्ला जिल्लामा उजुरी लिएर जिल्ला अदालतमा मुद्दा चल्ने अवस्थाका लागि व्यवस्थापन गर्दैछौँ, जिल्ला प्रशासन  कार्यालयमै उजुरी दिने व्यवस्था…

काठमाडौं । नेपाल कम्युनिष्ट पार्टी (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ले सङ्घीय निजामती सेवा विधेयक पारित गर्ने क्रममा गम्भीर षड्यन्त्र भएको बताएका छन्। योङ कम्युनिष्ट लिग, नेपाल (वाइसिएल) को केन्द्रीय पदाधिकारी बैठकलाई मंगलबार पेरिसडाँडामा सम्बोधन गर्दै उनले विधेयकमा चलखेल र छेडखानी गर्ने प्रवृत्तिलाई छुट दिन नसकिने भन्दै छानबिन गरेर कारबाही प्रक्रिया अगाडि बढाउनुपर्ने आवश्यकता औँल्याए। “परिवर्तनका उपलब्धिहरू उल्ट्याउने षड्यन्त्र हुँदै आएको छ । सङ्घीय निजामती विधेयकमा षड्यन्त्र भएको छ,” उनले भने, “यो विधेयकमा कसले बदमासी गर्‍यो, त्यसको छानबिन गरी, चलखेल तथा छेडखानी गर्ने प्रवृत्तिमाथि कारबाही गराउनेतर्फ हामी लागेका छौँ।” अध्यक्ष दाहालले संविधान र जनताको रगत-पसिनाबाट प्राप्त…

एजेन्सी । थाइल्यान्डकी प्रधानमन्त्री पेटोङटार्न सिनावात्रालाई संवैधानिक अदालतले मंगलबार पदबाट निलम्बन गरेको छ। म्बोडियासँगको सीमा विवादमा मन्त्रिपरिषद्को नैतिकता उल्लंघनको आरोप लागेपछि अदालतले उनलाई निलम्बन गरेको हो। अदालतले ७–२ को बहुमतले निर्णय गर्दै आगामी आदेश नआएसम्म सिनावात्रालाई प्रधानमन्त्रीको कार्यभारबाट निलम्बन गरेको जनाएको छ। सिनावात्रा राजनीतिक रूपमा प्रभावशाली सिनावात्रा परिवारकी सदस्य हुन्। उनका पिता थाक्सिन सिनावात्रा पूर्वप्रधानमन्त्री तथा विवादित शाही मानहानि मुद्दामा फौजदारी अभियोग सामना गरिरहेका छन्। सत्तामा आउन एक वर्ष नपुग्दै सिनावात्रालाई निलम्बन गरिनु थाइल्यान्डको राजनीतिक अस्थिरता र रूढीवादी तथा अभिजात वर्गबीचको टकरावलाई पुनः उजागर गर्ने घटनाका रूपमा हेरिएको छ।

काठमाडौं । रौनक श्रीवास्तवको विस्फोटक शतकको मद्दतमा नेपालले भुटानलाई २९८ रनले पराजित गर्दै एसीसी यू–१६ इस्ट जोन कपको सेमिफाइनलमा प्रवेश गरेको छ। मलेसियाको सेलांगर ट्रफ मैदानमा टस जितेर पहिले ब्याटिङ गरेको नेपालले निर्धारित ५० ओभरमा ५ विकेट गुमाएर ३५८ रन बनायो। रौनकले १३२ बलमा १६ चौका र ५ छक्कासहित १६८ रनको शानदार पारी खेले। शिवान्श बजगाईंले ५४, जोए थापाले अविजित ६१ तथा सुगम बुढाथोकीले ३५ रनको योगदान गरे। ३५९ रनको लक्ष्य पछ्याउन मैदानमा उत्रिएको भुटानको इनिङ ३२.४ ओभरमै ६० रनमा सकियो। कप्तान विपिन शर्माले ४ विकेट लिए भने सचिन भट्ट र सुयोग भट्टराईले समान २–२ विकेट लिए। नेपालले समूह ‘ए’…

काठमाडौं । सहरबासीलाई पिउने पानीको आवश्यकता पूरा गराउन प्रशोधित पानीको सेवा दिने व्यवसायीका २८ वटा सवारी साधनको अनुगमन गर्दा ४४ वटा जार मापदण्ड विपरीत भेटिएका छन् । काठमाडौं महानगरपालिकाको कृषि तथा पशुपन्छी विभागले आज गोंगबु बसपार्क क्षेत्रमा गरेको अनुगमनका क्रममा कुच्चिएका, फुटेका र अपारदर्शी जार भेट्टाइएको हो । यी जारहरु जफत गरियो । जफत जारहरु नष्ट गर्न महानगर प्रहरी बललाई जिम्मा लगाइएको छ । पानी बोक्ने सवारी साधनको अनुगमनका विभिन्न कम्पनीका जार भेटिएको थियो । अनुगमनका क्रममा त्रुटि पाइएका पानी उत्पादक कम्पनीहरुलाई मापदण्ड विपरीत प्रशोधित पिउने पानीको जार बिक्री वितरण नगर्न, जारमा स्पष्ट विवरण खुलेको लेबल राख्न, कम्पनीले जारी गरेको…