मनाङमा विदेशी नागरिकको मृत्यु

लमजुङ । हिमाली जिल्ला मनाङमा भिरबाट खसेर एक विदेशी नागरिकको मृत्यु भएको छ । अमेरिकी नागरिक ६९ वर्षीय चार्ल्स केथ डेभिजको गएराति उपचारको क्रममा मिरतु भएको जिल्ला प्रहरी कार्यालयका मनाङले जनाएको छ ।
प्रहरीका अनुसार उनी मनाङ जाँदै गर्दा बेसीशहर–चामे सडकखण्डअन्तर्गत मनाङको नासोँ गाउँपालिका– ३ खोत्रोडाँडाबाट सडकमा झरेको ढुंगा पन्छाउने क्रममा बुधबार राति करिब १० बजेतिर डेभिज खसेका थिए । उनी सडकबाट करिब एक सय मिटर तल मस्र्याङ्दी नदी किनारमा खसेको प्रहरीले जनाएको छ ।
डेभिजको शव पेष्टमार्टमको लागि एयर डाइमेक्टिक हेलिकोप्टरमार्फत बिहीबार दिउँसो सवा ३ बजे त्रिवि शिक्षण अस्पताल महाराजगन्ज पठाइएको छ ।
जिल्ला प्रहरी कार्यालय मनाङका अनुसार बुधबार जिल्ला प्रहरी कार्यालय चामे र इलाका प्रहरी कार्यालय धारापानीबाट खटिएको प्रहरी टोलीले राति सवा १ बजे उनको उद्धार गरेको थियो । उनको उदार गरेपनि बचाउन भने प्रहरी असफल भएको छ ।