‘नक्कली टिकट’ काटेर यात्रुलाई हैरानी दिने काठमाडौबाट पाँच जना पक्राउ

काठमाडौं । दशैँमा गाउँ फर्किने यात्रुलाई सवारीको ‘नक्कली टिकट’ काटेर हैरानी दिएको आरोपमा प्रहरीले ५ जनालाई पक्राउ गरेको छ । पक्राउ पर्नेमा मकवानपुर घर भएका २५ वर्षीय सन्देश श्रेष्ठ, २८ वर्षीय रोहित लामा, महोत्तरी घर भएका २६ वर्षीय अनिल बुढाथोकी, काठमाडौंको कोटेश्वर बस्दै आएका कमल सार्की र राजकुमार डंगोल छन् ।
नक्कली टिकट काटेर उनीहरूले यात्रुलाई कोटेश्वर र बल्खुमा बोलाउने गरेको तर, त्यहाँ पुगेपछि गाडी छैन भनेर ठग्ने गरेको प्रहरीको प्रारम्भिक अनुसन्धान निष्कर्ष छ । आरोपीतहरुविरुद्ध प्रहरीले अनुसन्धान गरिरहेको छ ।