पाल्पामा जीप दुर्घटना, ८ जनाको मृत्यु

काठमाडौं । पाल्पा तिनाउ गा.पा. ६ मस्यामस्थित ईकोफम हाउस नजिकै भित्री कच्ची सडक खण्डमा डुम्रेबाट चिदीसतर्फ जाँदै गरेको लु १ ज २३७१ नम्बरको मुस्ताङ जिप दुर्घटना भएकाे छ ।
जिप सडकबाट अं. ३०० मि. तल खसी दुर्घटना भएकोमा हालसम्म ८ जनाको मृत्यु भएको प्रहरीले जनाएकाे छ ।
तत्काल प्रहरी परिचालित भई घाइतेहरूको उद्धार गरी घाइते सबैको लुम्बिनी मेडिकल कलेज, प्रभासमा उपचार भइरहेको छ। प्रहरीले सवारी चालकलाई नियन्त्रणमा लिई घटनाको थप अनुसन्धान अघि बढाएको छ ।