अध्यागमन कार्यालयका प्रमुख गोगन हमालमाथि प्रहरीले गरे हातपात

काठमाडौं । त्रिभुवन अन्तर्राष्ट्रिय विमानस्थल अध्यागमन कार्यालयका प्रमुख गोगन हमालमाथि विमानस्थलमा खटिएका प्रहरीले हातपात गरेका छन्। शुक्रबार बिहान अध्यागमनका एक अधिकृत छायालाल मोक्तानमाथि हातपात गरेको विषयमा हमालले प्रश्न उठाउँदा ती प्रहरीले हमालमाथि नै हातपात गरेका हुन्। अध्यागमन विभागका सूचना अधिकारी प्रेम प्रसाद दाहालले प्रमुख हमाल र अधिकृत मोक्तानमाथि हातपात भएको र अहिले छलफल भइरहेको बताए। यो विषयमा अध्यागमन विभागले प्रहरी प्रधान कार्यालयलाई जानकारी गराइसकेकाे छ।