डुम्रे–बेसिशहर सडक अवरुद्ध, दलालमा पहिरो

काठमाडौं । निरन्तरको वर्षाले पहिरो खस्दा डुम्रे– बेसिशहर सडक पुनः अवरुद्ध भएको छ । यस सडकअन्तर्गत बेसिशहर नगरपालिका–१, दलालमा आज बिहान पहिरो खस्दा सडक अवरुद्ध भएको जिल्ला प्रहरी कार्यालयले जनाएको छ ।
पानी परिरहेको र पहिरो पनि निरन्तर खसिरहेकाले बाटो खुल्न समय लाग्ने बताइएको छ ।
सडक अवरुद्ध भएपछि काठमाडौं, पोखरा तथा चितवन, भैरहवालगायत स्थान जानेआउने र बेसिशहरतर्फको सवारी आवागमन बन्द भएको छ । बाटोमा सयौँ यात्री अलपत्र परेका छन् ।