मेटाले ल्यायो नयाँ चस्मा, मूल्य १३ लाख रुपैयाँ

काठमाडौं । मेटाले स्मार्टफोनलाई विस्थापित गर्नसक्ने स्मार्ट चस्मा सार्वजनिक गरेको छ । ‘ओरियन’ नाम दिइएको यो स्मार्ट चस्मा हालै सम्पन्न ‘कनेक्ट मेटा २०२४’ ‍मा सार्वजनिक गरिएको हो ।
रियालिटी ल्याब्स मेटाको अनुसन्धान तथा विकास शाखा हो । विशेषगरी यहाँ भर्चुअल र अग्मेन्टेड रियालिटी (एआर÷भीआर) प्रविधिहरूमा काम हुने गर्छ । यो चस्मा मेटाको वेयरेबल्स डिभिजनले बनाएको हो । तर अहिले यसको प्रोटोटाइप मात्र सार्वजनिक गरिएको छ । भविष्यमा यही चस्माले स्मार्टफोनलाई विस्थापन गर्नसक्ने अनुमान छ ।