Author: हाम्राे हेडलाइन

काठमाडौं । काठमाडौंमा अपहरणमा परेको भनी प्रहरीलाई झुक्याउने ६ जना पक्राउ परेका छन्। चन्द्रागिरी नगरपालिका १३ पुरानो नैकापस्थित कंकाली पिस ब्याम्बो रिसोर्ट अगाडिबाट मानिस अपहरणमा परेको प्रहरीलाई जानकारी आएको थियो। सूचनापछि उपत्यका अपराध अनुसन्धान कार्यालयबाट प्रहरी टोली खटिएको थियो। तर अनुसन्धानका क्रममा अपहरणको घटना नै नभएको खुलेको थियो। उक्त घटना अपहरण नभई लेनदेन भएको खुलेको एसपी सोमेन्द्र सिंह राठौरले जानकारी दिए। प्रहरीले घटनामा संलग्न ६ जनालाई पक्राउ गरेको छ। पक्राउ पर्नेमा चन्द्रागिरी नगरपालिका १३ का ४७ वर्षीय बिदुर बस्नेत, चितवन भण्डारा घर भई नैकाप बस्ने ३३ वर्षीय दिलिप विक, सर्लाही बरथवा ६ घर भई बालाजु बस्ने ४७ वर्षीय भोला महतो…

काठमाडौं । काठमाडौं रातो पुलमा एक जनाको हत्या भएको छ । पर्सा घर भई हाल कपन बस्ने अन्दाजी ५५ वर्षीय ध्रुव खड्काको हत्या भएको हो। सोमबार राति हत्या गरिएका खड्काको शव मंगलबार बिहान फेला परेको थियो। हत्या अभियोगमा काठमाडौं प्रहरी परिसरको टोलीले एक जनालाई पक्राउ गरेको छ। पक्राउ पर्नेमा चितवन घर भई कपन बस्ने रामबहादुर थापा रहेका छन् । रामबहादुरले बत्तिसपुतलीबाट कपन लगिदिन्छु भन्दै खड्कालाई ट्याक्सीमा चढाएका थिए। तर त्यहाँ पुर्याएपछि ट्याक्सीबाट ओरालेर भित्तामा ठोक्काइ दिएर हत्या गरेको परिसर प्रहरीले जानकारी दिएको छ । पछि उनले लात्ताले छात्तीमा हानेको पनि सीसीक्यामेरामा देखिएको छ । हत्या गरेर फर्किएका उनी राति फेरि…

काठमाडौं । राष्ट्रिय विपद् जोखिम न्युनिकरण तथा व्यवस्थापन राष्ट्रिय परिषद्को बैठकले टर्कीका भूकम्पपीडितलाई सघाउन स्वास्थ्य टोली र सहयोग पठाउने निर्णय गरेको हो। बैठकमा परिषद्का अध्यक्ष एवं प्रधानमन्त्री पुष्पकमल दाहालले आवश्यक सहयोग पठाउनुपर्ने बताएका थिए। बैठकमा प्रधानमन्त्री दाहालले टर्की असल मित्रराष्ट्र भएकाले सक्दो सहयोग गर्नुपर्ने बताएका थिए। भूकम्पपीडितको सहयोगका लागि स्वास्थ्य टोलीसँगै स्वास्थ्य सामग्री, राहत सामग्री र खाद्य सामग्री पठाउने निर्णय भएको छ। यसका लागि आवश्यक तयारी गर्न प्रधानमन्त्री दाहालले परिषद्लाई निर्देशन दिएका छन्। बैठकमा उपप्रधानमन्त्री तथा अर्थमन्त्री विष्णु पौडेल, मुख्यसचिव शंकरदास बैरागी लगायत सुरक्षा निकायका प्रमुख उपस्थितत थिए। टर्कीमा गएको भूकम्पमा परी टर्की र सिरियाका नौ हजारभन्दा बढी नागरिकको मृत्यु…

काठमाडौं । राष्ट्र बैंकले नौ वाणिज्य बैंकलाई सम्पत्ति शुद्धिकरण सम्बन्धी नियम पालनामा लापरवाही गरेको र अन्य नियमहरू पालना नगरेको भन्दै कारवाही गरेको छ। प्रभु, कुमारी, तत्कालिन बैंक अफ काठमाण्डु (हाल ग्लोबल आइएमई), प्राइम कमर्सियल सम्पत्ति शुद्धिकरणमा गम्भिर लापरवाही गरेको भन्दै प्रति बैंक ५० लाख रुपैयाँको दरमा जरिवाना गरिएको छ। अन्य नियमहरू पालना नगरेको आधारमा माछापुच्छ्रे , सानिमा, तत्कालिन नेपाल इन्भेष्टमेन्ट (हाल नेपाल इन्भेष्टमेन्ट मेगा बैंक), सिभिल बैंक र नबिल बैंकलाई कारावाही गरेको हो। यी बैंक तथा यसका प्रमूख कार्यकारी अधिकृतलाई सचेत गराइएको हो। माछापुच्छ्रे बैंकले पुँजी कोष पर्याप्तता अनुपातको यथार्थ विवरण पेश नगरेको, सानिमा बैंकले तत्कालिन प्रमूख कार्यकारी अधिकृतलाई थप…

जनक श्रेष्ठ लमजुङ । लमजुङ दोर्दी गाउँपालिकाभित्रका विद्यालयहरुमा बिहिबार शोक विदा दिइने भएको छ । पालिकाको वडा नं. ७ फलेनी लप्सीबोटस्थित जीवन अम्मर आधारभूत विद्यालयका प्रधानाध्यापक रोशन गुरुङको उपचारका क्रममा बुधबार निधन भएपछि शोक विदा दिने निर्णय गरिएको हो । दोर्दी गाउँपालिकाले एक शोक विज्ञप्ति जारी गर्दै उक्त जानकारी गराइएको हो । दोर्दी गाउँपालिका युवराज अधिकारी र शिक्षा शाखा प्रमुख भिमप्रसाद लामिछानेद्वारा हस्ताक्षर गरिएको सो विज्ञप्तिमा गाउँपालिकाद्वारा गुरुङको उपचारका क्रममा निधनका कारण स्तब्ध भएको र शोकको यस दुःखद घडीमा मृतआत्मको चिर शान्तिको कामना गर्दै हार्दिक श्रद्धाञ्जली अर्पण गरिएको छ । साथै परिवारजनमा धैर्य धारण गर्ने शक्ति मिलोस् भनि प्रार्थना गर्दै…

काठमाडौं । प्रधानमन्त्री पुष्पकमल दाहाल र नेकपा एमालेका अध्यक्ष केपी शर्मा ओलीबीच बिहीबार भेटवार्ता भएको छ । भेटवार्तामा उच्चस्तरीय राजनीतिक संयन्त्रको बैठक बोलाउने सहमति भएको छ । सोही बैठकमा राष्ट्रपतिको उम्मेदवारबारे छलफल हुने छ । उच्चस्तरीय राजनीतिक संयन्त्रको संयोजकसमेत रहेका ओलीलाई भेट्न प्रधानमन्त्री प्रचण्ड आज बिहान ओली निवास बालकोट गएका थिए । सोही भेटवार्तामा बिहीबार राजनीतिक संयन्त्रको बैठक बोलाउने र राष्ट्रपतिको उम्मेदवारबारे छलफल गर्ने प्रधानमन्त्री प्रचण्डले बताए । राष्ट्रपति पदको निर्वाचन आगामी फागुन २५ गते हुँदैछ ।

एजेन्सी । सिरियामा भग्नावशेषमुनि फसेकी एक गर्भवती महिलाले नवजात शिशुलाई जन्म दिएकी छन् । न्यूयोर्क टाइम्सले जनाए अनुसार उत्तरी सिरियामा एउटा घरको भग्नावशेषबाट एक नवजात शिशुलाई जिउँदै निकालिएको हो । सोमबार गएको भूकम्पमा परी आमाको मृत्यु भए पनि नवजात शिशुलाई भने आमाको नाभीमा बाँधिएको अवस्थामा उद्धार गरिएको र उनको अवस्था नाजुक रहेको बीबीसीले लेखेको छ । नवजात शिशुका बुवा, चार दाजुभाइ र एक काकीले भूकम्पमा ज्यान गुमाएका छन् ।

लमजुङ । लमजुङको दोर्दी गाउँपालिकाले पालिकाभित्रका किसानलाई कृषिमा आत्मनिर्भर बनाउन थालेको छ । पालिकाले कृषिमा आत्मनिर्भर बनाउन ७५ प्रतिशत अनुदानमा तरकारीको विउहरु वितरण गर्दै आएको छ । दोर्दी पालिकाको कृषि शाखाका कृषि प्राविधिक नरहरी घिमिरेका अनुसार पालिकाका किसानलाई यतिबेला उनीहरुको मागको आधारमा वर्खे तरकारीको विभिन्न प्रकारका विउहरु ७५ प्रतिशत पालिकाको अनुदानमा वितरण गरिरहेको छ । गाउँपालिकाको यस चालू आवमा स्वकृत वार्षिक कार्यक्रमअन्तर्गत १ देखि ९ नम्बर वडाकै किसानहरुलाई बर्खे तथा लहरे तरकारी बालीको विउ वितरण गरिरहेको उनको भनाई छ । ‘काक्रा, घिरौला, करेला,झिण्डी,तनेबोडी र गोलभेँडा कृषिक, कृषक समूह, फर्म तथा सहकारीहरुलाई सो अनुदानमा वितरण भइरहेको छ । कृषि प्राविधिक घिमिरेले…

एजेन्सी । टर्कीमा सोमबार गएको शक्तिशाली भूकम्पमा परेर ज्यान गुमाउनेको सङ्ख्या सात हजार नाघेको छ । अहिलेसम्म टर्कीमा पाँच हजार ८ सय ९४ जना र सिरियामा एक हजार ९ सय ३२ जना गरी सात हजार ८ सय २६ जनाको ज्यान गएको पुष्टि भएको बीबीसीले जनाएको छ । टर्कीमा आठ हजार भन्दा धेरै मानिसको भग्नावशेषबाट उद्धार गरेको र तीन लाख ८० हजार भन्दा धेरै मानिस घरबार विहीन भएर सरकारी शिविरमा रहेका बीबीसीले जनाएको छ । दुवै देशमा गरी २० हजार भन्दा धेरै मानिस घाइते भएको विवरण प्राप्त भएको र अस्पतालमा रहेका घाइतेहरुको विवरण सङ्कलन भैरहेको उद्धारमा संलग्न अधिकारीहरुले बताएका छन् ।…

काठमाडौं । डुम्रे बेसिशहर सडकखण्ड अन्तर्गत लमजुङको उदिपुरको सडकखण्ड स्तरोन्नति गरिने भएको छ । गत वर्षको वर्षायाममा खसेको पहिरोको कारण पटक–पटक सडक अबरुद्ध हुँदै आएको छ । अहिले सडकमा बेला बेला पहिरो खस्ने र पन्छाउँदै यातायात सञ्चालन गर्दै आइएको छ । उक्त सडकको मस्र्याङ्दी पारीबाट वैकल्पिक सडक निर्माण गरिने भएको हो । सडकको विषयलाई लिएर लमजुङबाट निर्वाचित प्रतिनिधि सभा सदस्य एवं नेकपा एमाले उपमहासचिव पृथ्वीसुब्बा गुरुङ र नेकपा एमाले केन्द्रीय सदस्य एवं संविधान सभा सदस्य जमीन्द्रमान घलेले उपप्रधान तथा भौतिक पूर्वाधार एवं यातायात व्यवस्था मन्त्री नारायणकाजी श्रेष्ठ, भौतिक पूर्वाधार तथा यातायात मन्त्रालयका सचिव केशवकुमार शर्मा र सडक विभागका महानिर्देशक अर्जुनजंग…